web counter
LEXO PA REKLAMA!

SHKARKO APP

App Store
Google Play

U rizgjodh president i FSHF-së, Duka: Të veprojmë si një skuadër e bashkuar

16 Shkurt 2026, 13:23, Sport CNA

U rizgjodh president i FSHF-së, Duka: Të veprojmë si një

Armand Duka ka reaguar në rrjetet sociale pas rizgjedhjes së tij si president i FSHF-së.

Në postimin e tij, Duka ka falënderuar anëtarët e familjes së futbollit, për besimin e dhënë, ku theksoi se kjo është një përgjegjësi më e madhe.

Ndër të tjera, Duka shkruan se futbolli përparon vetëm kur veprojmë si një skuadër e bashkuar.

“Besim për vazhdimësi. Besim për vizionin. Besim për futbollin shqiptar.

Falënderoj sinqerisht nga zemra anëtarët e familjes së madhe të futbollit shqiptar për besimin e dhënë edhe një herë. Ky besim nuk është privilegj, por një përgjegjësi edhe më e madhe.

Mandati që nis sot do të mbështetet mbi stabilitet, vizion afatgjatë dhe vendimmarrje të përgjegjshme, me respekt të plotë për rregullat, për lojën dhe për institucionin. Futbolli përparon vetëm kur veprojmë si një skuadër e bashkuar.

Zgjedhja për vazhdimësi përfaqëson besim në punën e deritanishme dhe në drejtimin tonë të përbashkët.

Me përkushtim dhe angazhim kolektiv do ta çojmë përpara këtë proces, sepse e ardhmja e futbollit shqiptar ndërtohet mbi punë të qëndrueshme, standarde të larta dhe përgjegjësi institucionale. Progresi real dhe rezultatet afatgjata arrihen vetëm përmes bashkëpunimit dhe unitetit.

Besoj te ju. Besoj te njerëzit e futbollit.

Rrugëtimi vazhdon. Me unitet, përgjegjësi dhe vizion të qartë, për një futboll shqiptar më të fortë, më të respektuar dhe më ambicioz se kurrë, në bashkëpunim të ngushtë me anëtarët e Komitetit Ekzekutiv, të cilëve u uroj suksese dhe të cilët do të jenë krah meje në realizimin e këtij misioni”, shkruan Duka.





Lajmet e fundit nga