web counter
LEXO PA REKLAMA!

SHKARKO APP

App Store
Google Play

E fundit!

x

Ervin Bulku sqaron deklaratën: Në rrjetën e mashtrimit ra edhe faqja e Dinamos

2 Gusht 2025, 22:08, Sport CNA

Ervin Bulku sqaron deklaratën: Në rrjetën e mashtrimit ra edhe

Zv.trajneri i Kombëtares, Ervin Bulku ka reaguar pas polemikave të krijuara nga një deklaratë e tij në Kroaci.

Sipas tij, citimi se ai mbështet Hajdukun ndaj Dinamos, është i rremë dhe i nxjerrë nga konteksti.

Bulku shkuan se ky reagim vjen edhe për faktin se Dinamo ka rënë në rrjetën e mashtrimit.

“Një titull abuziv dhe që nuk është shkëputur në asnjë pjesë të një interviste për mediat kroate, ka krijuar një atmosfere surreale në opinionin tonë sportiv.

Nuk do të kisha reaguar, sepse çdo media para se të bjerë në batakun e gënjeshtrave, do të kishte kërkuar minimalisht të lexonte të plotë intervistën time. Në atë prononcim kam përcjellë ndjenjat e mia te ngrohta për periudhën që isha pjesa e atij klubi, kujtimeve shumë të mira që kanë lënë disa futbollistë shqiptarë në të kaluarën dhe që janë një themel i fortë për lojtarët aktualë dhe atyre që mund të vijnë, si dhe marrëdhëniet shumë të mira mes dy vendeve tona.

Kam bërë gjithashtu një vlerësim teknik të të dyja skuadrave, ku kam veçuar Hajdukun si favorit, por në asnjë rast pa cituar që në duelin Hajduk-Dinamo dua fitoren e Hajdukut. Ky reagim vjen pasi në rrjetën e mashtrimit të një titulli abuziv ra edhe faqja zyrtare e Dinamos. Shpresoj shumë në mirëkuptimin e opinionit të gjerë sportiv dhe si në çdo rast i dëshiroj suksese çdo klubi shqiptar në garat europiane”, shkruan Bulku.





Lajmet e fundit nga