web counter
LEXO PA REKLAMA!

SHKARKO APP

App Store
Google Play

Dy pezullime, e pëson drejtori i Superiores. Vendimet e Disiplinës

2 Dhjetor 2025, 19:14, Sport CNA

Dy pezullime, e pëson drejtori i Superiores. Vendimet e Disiplinës

Komisioni i Disiplinës, në Federatën Shqiptare të Futbollit, ka publikuar vendimet, për ngjarjet e fundit në futbollin shqiptar.

Janë dënuar me gjobë dy klube të Superiores, Flamurtari dhe Elbasani, për sjellje të gabuar të tifozëve.

Bie në sy pezullimi i drejtorit të Vorës, Bazion Tragaj, për provokim të tifozëve. Është pezulluar me tre ndeshje edhe zyrtari i Pogradecit, Elton Kllogjeri, për sjellje të dhunshme ndaj lojtarëve kundërshtar.

VENDIMET:

1. AF Elbasani, për sjellje të gabuar të spektatorëve, duke ndezur flakadanë dhe mjete të tjera piroteknike, në bazë të nenit 17/2/c të KDE, dënohet me gjobë në masën 50.000 (pesëdhjetë mijë) lekë.

2. Flamurtari FC, për sjellje të gabuar të spektatorëve, duke ndezur mjete piroteknike dhe duke përdorur kore fyese ndaj lojtarëve të ekipit kundërshtar, në bazë të neneve 17/2/c dhe 17/2/e të KDE, dënohet me gjobë në masën 50.000 (pesëdhjetë mijë) lekë.

3. Zyrtari i KF Vora, Bazion Tragaj, për provokim të spektatorëve, në bazë të nenit 14/1/f të KDE, dënohet me 2 (dy) ndeshje pezullim nga veprimtaritë.

4. KF Bylis, në bazë të nenit 6/1/a të KDE, paralajmërohet se në rast të përsëritjes së vonesave për zbatimin në kohë të detyrave sipas Rregullores së Aktivitetit, do të jetë subjekt i masave disiplinore që parashikon Kodi i Disiplinës dhe Etikës dhe Rregulloret e FSHF.

5. KS Kastrioti, në bazë të nenit 6/1/a të KDE, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës dhe Etikës dhe rregulloret e FSHF.

6. Zyrtari i FK Pogradeci, Elton Kllogjeri, për sjellje të dhunshme ndaj lojtarëve kundërshtar, në bazë të nenit 14/1/h të KDE, dënohet me 3 (tre) ndeshje pezullim nga veprimtaritë.

Kundër vendimit lejohet ankim brenda 3 (tre) ditëve përpara Komisionit të Apelit.

 





Lajmet e fundit nga