web counter
LEXO PA REKLAMA!

SHKARKO APP

App Store
Google Play

Tirana beson te fitorja ndaj Dinamos, Nuhiu: Të shfrytëzojmë rastet

2 Dhjetor 2025, 18:35, Sport CNA

Tirana beson te fitorja ndaj Dinamos, Nuhiu: Të shfrytëzojmë

Tirana po kalon një nga sezonet më të vështira të viteve të fundit. Bardheblutë mbajnë vendin e fundit në renditje dhe duan të rikthehen me çdo kusht te fitorja.

Ndeshja e radhës është derbi ndaj Dinamos, një sfidë me shkallë vështirësie shumë të lartë. Dueli i fundit ndaj Egnatias, jep shpresë për Tiranën, për shkak të rasteve të shumta të krijuara dhe lojës së treguar.

Te kjo u ndal edhe trajneri Ardian Nuhiu, i cili para derbit, u shpreh se forma e treguar në ndeshjen e kaluar jep besim, ndërsa theksoi se ekipit i ka munguar fati sportiv.

“Ndeshja e fundit na ka dhënë besim, djemtë punuan mirë, patëm përballë një skuadër të fortë, krijuam, na jep besim të plotë për të besuar se djemtë kanë dëshirë të përmirësohen. E kemi analizuar kundërshtarin e radhës, me një përkushtim maksimal dhe me vullnet do të bëjmë maksimumin për të marrë rezultat pozitiv, besoj fuqishëm dhe vetëm fati sportiv na mungon, kërkojmë që të kthehemi te fitorja."

Nuhiu beson te rikthimi i rezultateve pozitive, ndërsa pret nga skuadra që të konkretizojë rastet që u jepen para portës.

"Futbolli është i bukur të jep mundësi të re, mundohemi të dalim nga ai ngërç, sepse paraqitemi para portës dhe do të finalizojmë, këto dy ditë e kemi përgatitur skuadrën dhe të shrytëzojmë rastet. Ka edhe shumë ndeshje, sduhet të shiohim mbrapa por përpara, ka edhe shumë pikë mund të fitojmë dhe kam besim të plotë që rikuperojmë çdo gjë, Më gëzoi grupi që krijum raste kundër skuadrës së fortës, kemi mësuar rrugën për të shkuar te porta, mund të humbasësh një rast por herën tjetër smund të gabosh."

Ndeshja Dinamo-Tirana, do të luhet të mërkurën, duke nisur nga ora 19:30.





Lajmet e fundit nga