web counter
LEXO PA REKLAMA!

SHKARKO APP

App Store
Google Play

E fundit!

x

Duka reagon pas eliminimit: Humbja dhemb, por kjo është Kombëtarja më e fortë në histori

27 Mars 2026, 00:01, Sport CNA

Duka reagon pas eliminimit: Humbja dhemb, por kjo është

Presidenti i Federatës Shqiptare të Futbollit, Armand Duka, ka reaguar pas humbjes 2-1 ndaj Polonisë, që shënoi edhe fundin e rrugëtimit të Shqipërisë drejt Botërorit 2026.

Përmes një mesazhi emocionues në rrjetet sociale, kreu i futbollit shqiptar u është drejtuar lojtarëve dhe tifozëve, duke theksuar se krenaria tejkalon dëshpërimin e rezultatit.

Duka e ka cilësuar këtë grup lojtarësh si ekipin më cilësor në historinë e futbollit tonë, duke nënvizuar se karakteri i treguar në fushë është një premtim për të ardhmen.

“Sonte nuk është një natë për të ulur kokën. Përkundrazi. Është një natë për të qëndruar drejt dhe për t’u mburrur me këtë skuadër, me këta djem që në çdo minutë të lojës tregojnë shpirt, karakter dhe atë gjë që nuk mësohet. Gjakun shqiptar.

Po, kjo humbje dhemb. Dhemb sepse na ndërpret një ëndërr që e kemi ndërtuar prej vitesh dhe që sot dukej më pranë se kurrë. Por ajo që këta djem treguan në fushë është më shumë se një rezultat. Është një premtim. Është prova se kjo është, pa asnjë dyshim, skuadra më e fortë dhe më e bukur që kemi pasur ndonjëherë.

Faleminderit që na bëtë të besojmë. Faleminderit që na bëtë të ëndërrojmë.

Sot, çuna, nuk ka humbje që e zbeh krenarinë që ndjej për ju”, shkruan Duka.





Lajmet e fundit nga