web counter
LEXO PA REKLAMA!

SHKARKO APP

App Store
Google Play

Silvinjo me surpriza ndaj Polonisë, si pritet formacioni i Shqipërisë

26 Mars 2026, 08:44, Sport CNA

Silvinjo me surpriza ndaj Polonisë, si pritet formacioni i

Kombëtarja shqiptare do të përballet mbrëmjen e sotme ndaj Polonisë, në ndeshjen e vlefshme për fazën “play off” të Botërorit.

Në Varshavë, kuqezinjtë do të kërkojnë të shkruajnë historinë, ndërsa trajneri Silvinjo u ka dhënë dorën e fundit përgatitjeve.

Në formacionin e Shqipërisë nuk pritet të ketë ndryshime të shumta në formacion, përveç atyre në sulm, ku tekniku kuqezi është i detyruar për lëvizje, për shkak të dëmtimeve të Manajt dhe Dakut.

Në portë, Thomas Strakosha duket i padiskutueshëm. Portieri po kalon një moment të artë në karrierë dhe shihet si siguri për katërkëndëshin.

Në mbrojtje, balotazhi është vetëm mes Ardian Ismajlit dhe Arlind Ajetit. Ky i fundit shihet i avantazhuar për të luajtur në krahun e Berat Gjimshitit. Dyshja ka dhënë siguri në kualifikuese dhe Silvinjo pritet t'u besojë sërish.

Në të majtë është i padiskutueshëm Mario Mitaj, ndërsa në të djathtë Elseid Hysaj.

Nuk pritet të ketë ndryshime as reparti i mesfushës. Në këtë repart, do të luajnë Kristjan Asllani, Juljan Shehu dhe Qazim Laçi, të cilët dhanë kontribut të madh në kualifikueset e kaluara.

Dilemat më të mëdha janë në repartin e sulmit. Deri tani, i sigurt duket vetëm Arbër Hoxha për krahun e majtë.

Për dy pozicionet e tjera, në luftë janë tre lojtarë, Myrto Uzuni, Armando Broja dhe Nedim Bajrami.

Silvinjo me surpriza ndaj Polonisë, si pritet formacioni i

Sipas atyre që ka punuar Silvinjo, në qendër mund të luajë Bajrami. Ndonëse nuk është pozicioni i tij, ai është provuar si një 9 fals.

Në të djathtë të sulmit mund të luajë Myrto Uzuni, i cili shihet i avantazhuar ndaj Armando Brojës.

Dilemat do të shuhen nga vetë trajneri Silvinjo, para ndeshjes me Poloninë, e cila do të startojë në orën 20:45.





Lajmet e fundit nga