web counter
LEXO PA REKLAMA!

SHKARKO APP

App Store
Google Play

Shqipëria, takim me historinë. Kuqezinjtë sfidojnë Poloninë për ëndrrën “Botëror”

26 Mars 2026, 07:50, Sport CNA

Shqipëria, takim me historinë. Kuqezinjtë sfidojnë

Shqipëria zbret sot në fushë për një nga ndeshjet më të rëndësishme në historinë e saj, teksa përballet me Poloninë në Varshavë, në kuadër të fazës “play-off” për Kupën e Botës. Për herë të parë, kombëtarja shqiptare është pjesë e kësaj faze, duke qenë vetëm dy fitore larg një kualifikimi në Botëror.

Skuadra e drejtuar nga Silvinjo vjen në këtë përballje pas një fushate kualifikuese pozitive, ku arriti të lërë pas edhe Serbinë në renditje. Ky rezultat ka rritur pritshmëritë për një tjetër hap përpara në këtë kompeticion.

Grupi është në gjendje të mirë fizike dhe psikologjike në prag të ndeshjes. Lojtarët kanë treguar përqendrim maksimal gjatë përgatitjeve, ndërsa stafi teknik ka punuar për të përcaktuar detajet e fundit taktike për këtë takim.

Shqipëria mbërriti në Varshavë një ditë para sfidës dhe zhvilloi stërvitjen zyrtare në stadiumin ku do të luhet ndeshja.

Gjatë kësaj seance, Elseid Hysaj e ndërpreu stërvitjen para kohe, por sinjalet janë që situata e tij nuk paraqet problem serioz dhe pritet të jetë i disponueshëm për aktivizim.

Ndeshja do të zhvillohet në një ambient të vështirë, me praninë e madhe të tifozëve vendas në stadium. Kjo përbën një element shtesë për t’u menaxhuar nga skuadra shqiptare gjatë 90 minutave të lojës.

Nuk do të mungojnë as tifozët kuqezi, të cilët gjithashtu kanë blerë të gjitha biletat në dispozicion të tyre.

Takimi Poloni-Shqipëri është planifikuar të nisë në orën 20:45. Fituesi i kësaj përballjeje do të sigurojë kalimin në finalen e “play-off”-it, ku do të përballet me skuadrën që del fituese nga ndeshja Ukrainë-Suedi.





Lajmet e fundit nga