web counter
LEXO PA REKLAMA!

SHKARKO APP

App Store
Google Play

E fundit!

x

Ancelotti: Ishim të dobët në mbrojtje, na duhet një përmirësim që nga themelet

6 Nëntor 2024, 11:30, Sport CNA
Ancelotti: Ishim të dobët në mbrojtje, na duhet një
Carlo Ancelotti

Për trajnerin e Real Madrid-it, Carlo Ancelotti-in, në humbjen 1-3 ndaj Milan-it në Champions League, skuadra e tij shfaqi të njëjtat probleme si në “El Clasico"-n ndaj Barcelona-s.

Duke folur për mediet pas disfatës në raundin e katërt të fazës së Ligës në Champions League, italiani shtoi se nuk u shfaqën të bashkuar.

“Ne nuk e pamë reagimin e duhur dhe të njëjtat probleme mbeten që nga humbja ndaj Barcelona-s. Na mungon soliditeti në mbrojtje, shpesh jemi të çekuilibruar në kundërsulm. Duhet ta rregullojmë këtë, duhet të jemi më të bashkuar dhe ta fitojmë topin”, -tha ai fillimisht.

Më tej, tekniku i “Los Blancos” shtoi se duhet të punojnë që nga themelet, pasi sipas tij mbrojtja po pëson.

“Duhet të shqetësohemi sepse skuadra ka një potencial të madh dhe nuk po e shpreh atë. Ne duhet të punojmë në themele, sepse kjo është ajo që mungon këtu. Kur nuk jeni solidë në mbrojtje, ndeshjet mund të ndërlikohen në çdo moment. Ne ishim në gjendje të rikuperoheshim nga këto situata disa herë, por nuk mund të ndodhë në çdo ndeshje”, -deklaroi Carlo Ancelotti.

Pas humbjes ndaj Milan-it, Real Madrid-i renditet momentalisht në vend të 17-të të renditjes në Champions League, me gjashtë pikë./CNA





Lajmet e fundit nga