web counter
LEXO PA REKLAMA!

SHKARKO APP

App Store
Google Play

"Kërkova një mision faktmbledhës përpara 11 majit”/ Mediu takime me ekipin vëzhgues të zgjedhjeve

22 Shkurt 2025, 16:07, Politikë CNA

"Kërkova një mision faktmbledhës përpara 11

Kreu i Partisë Republikane, Fatmir Mediu me anë të një postimi në rrjetet sociale ka ndarë detaje nga takimet e tij me zyrtarë amerikanë dhe europianë. Në statusin e tij Mediu shkruan se kryetari i Komitetit të Helsinkit, Joe Wilson ka thënë se do të ndiqen me vëmendje zgjedhjet e 11 majit, të cilat duhet të jenë të lira dhe të ndershme.

Po ashtu Mediu shkruan se në takimin e zhvilluar me ekipin që do të monitorjë zgjedhjet dhe Sekretarin e Përgjithsshëm të Asamblesë, Roberto Montella, u ka kërkuar që misioni të jetë i balancuar.

 

 

“Në takimin e Vjenës të OSBE PA. Kongresmeni Joe Wilson Kryetari Komitetit të Helsinkit në Kongresin Amerikan tha se do ndjekim me vëmendje zgjedhjet në Shqipëri dhe ato duhet të jenë të lira dhe të ndershme. Po në të njëjtin shqetësim dikutova dhe me Kongresmenin Marc Veasey dhe me përfaqësuesen e SHBA në Vjenë mike e vjetër e Shqipërisë Janice Helwig.

Kryetari i Parlamentit Austriak përshëndeti takimin vjetor të OSBE PA. Po ashtu zhvilluam një takim me Sekretarin e Përgjithshëm të Asamblesë Roberto Montella dhe ekipin që do vëzhgojë zgjedhjet. Në emër të opozitës i kërkova që drejtimi i këtij misioni të jetë i balancuar si një nga kriteret kryesore të Asamblesë Parlamentare të OSBE, gjë të cilën ia kërkova dhe bëra prezent dhe Presidentes së Asamblesë Pia Kuama, duke kërkuar një mision faktmbledhës përpara zgjedhjeve të 11 majit”, shkruan Mediu. CNA





Lajmet e fundit nga