web counter
LEXO PA REKLAMA!

SHKARKO APP

App Store
Google Play

U rendit në "top 3"-shen e "Këngës Magjike"/ Mira Konçi, mesazh falënderimi

25 Nëntor 2025, 14:59, Lifestyle CNA
U rendit në "top 3"-shen e "Këngës Magjike"/
Mira Konçi

Këngëtarja Mira Konçi u rikthye pas shumë vitesh për të konkurruar në një festival kënge, atë të "Këngës Magjike".

Konçi mori pjesë në këtë festival me këngën “Më mbaj me vete”, e cila u prit shumë mirë nga publiku shqiptar.

Me një tekst të Rozana Radit, muzikë të Adi Hilës, kënga arriti të shkonte deri në finalen e "Këngës Magjike".

Votimi i artistëve dhe publikut renditi në tri vendet e para Juliana Pashën, Albina Kelmendin dhe Mira Konçin.

Pas festivalit, këngëtarja Mira Konçi përmes një statusi në rrjetet sociale ka falënderuar publikun për pritjen e jashtëzakonshme.

Po ashtu i ka falënderuar për dashurinë, komentet, postimet, vlerësimet për gjithçka në rrugëtimin e saj në "Këngën Magjike".

Më tej ka shprehur mirënjohjen për Aldon Lipen, Andeta Radin dhe Ardit Gjebrean.

“Sot dua t’ju falënderoj me gjithë shpirt, ju publikun tim të dashur, për mënyrën e jashtëzakonshme si e keni pritur këtë këngë magjike.

Falëminderit për dashurinë, komentet, postimet, vlerësimet — për çdo gjë që keni bërë për mua në këtë rrugëtim. Ju jeni forca dhe frymëzimi im, dhe çdo emocion që kam ndarë në skenë, ju ia keni kthyer dhjetëfish me zemër.

Një falënderim të veçantë për @aldonlipe për drejtimin e mrekullueshëm vizual dhe magjinë skenike që i dha këtij eventi.

Po aq dua të falënderoj @andeta_radi për ndihmën e pakursyer, për mbështetjen dhe përkushtimin që i dha jo vetëm mua, por çdo artisti.

Falënderim nga zemra to the one and only @arditgjebrea për energjinë dhe rolin e tij të pazëvendësueshëm në këtë udhëtim artistik.

Me dashurinë dhe mirënjohjen më të pastër,

Mira”, shkruan këngëtarja Mira Konçi./ CNA





Lajmet e fundit nga