LEXO PA REKLAMA!

SHKARKO APP

Një thesar artefaktesh zbulohet në Napoli, i përket periudhës së bronzit

25 Prill 2024, 08:55, Kuriozitete CNA
Një thesar artefaktesh zbulohet në Napoli, i përket
Një thesar artefaktesh nga epoka e bronzit

Një nekropol pararomak me një thesar të vërtetë artefaktesh u gjet në jug të Italisë gjatë gërmimit të themeleve për stacionet e transformatorëve për elektrifikimin hekurudhor, njoftuan sot autoritetet lokale.

Nekropoli u gjet pranë qytetit Amorosi, rreth 50 kilometra nga Napoli, sipas një deklarate nga autoritetet lokale, raporton "Reuters".

Ky nekropol i ruajtur mirë ka 88 varre, shtrihet në një sipërfaqe prej rreth 13,000 metrash katrorë dhe daton nga shekulli VIII-VII para Krishtit.

Në varret e burrave u gjetën armë, ndërsa stolitë prej bronzi si byzylykë dhe varëse u zbuluan në varret e grave.

"Janë gjetur gjithashtu një numër i madh vazosh të formave të ndryshme, shpesh të vendosura mbi njëra-tjetrën ose të vendosura pranë këmbëve të të ndjerit. Ky zbulim arkeologjik është i një rëndësie kyçe për historinë e kulturës sonë", njoftoi administrata lokale për Trashëgimi Kulturore./CNA 

 


 

Lajmet e fundit nga