web counter
LEXO PA REKLAMA!

SHKARKO APP

App Store
Google Play

Vjosa Osmani i dorëzon detyrën Kryetares së Kuvendit, Albulena Haxhiu

4 Prill 2026, 16:14, Kosova & Bota CNA

Presidentja e Kosovës, Vjosa Osmani i dorëzoi zyrtarisht detyrën Kryetares së Kuvendit, Albulena Haxhiu.

Ceremonia e dorëzim-pranimit të detyrës u zhvillua në Kabinetin e Presidentes.Vjosa Osmani i dorëzon detyrën Kryetares së Kuvendit, Albulena

Vjosa Osmani mbajti detyrën pozitën e presidentes në periudhën nga nëntori 2020 deri në mars 2021 pas dorëheqjes së presidentit Hashim Thaçi. Pas zgjedhjes së saj si presidente, më 4 prill 2021, Vjosa Osmani u bë gruaja e dytë që mbajti detyrën e kreut të shtetit.

Në fjalën e rastit, Osmani ndau urimet për Haxhiun, teksa u shpreh se puna nuk do të jetë e lehtë.

“Ju dëshiroj mirëseardhje zonja kryetare e Kuvendit dhe nga sonte në mesnatë edhe ushtruese e detyrës së presidentes së Republikës. Gjithnjë ka qenë një nga dëshirat e mia të mëdha që kurdo që dal nga kjo zyrë ta lë një grua mbrapa. Kjo dëshirë sot po më plotësohet dhe shpresoj shumë që siç thotë populli ta ngrehni këmbën zhag edhe ju që pas jush të jetë një grua në këtë zyrë. Me besimin e plotë që gratë gjithmonë tregojnë kujdes të veçantë ndaj institucioneve dhe ndaj çdo qytetari të Republikës.

Në emër edhe të gjithë bashkëpunëtorëve këtu në Presidencë dhe shumë të tjerë që s’janë këtu tash për momentin, ju dëshiroj shumë suksese për gjatë kohës sa do të qëndroni këtu si ushtruese e detyrës. S’do të jetë punë e lehtë.

Edhe unë i kam provuar të dyja më 2021 edhe si kryeparlamentare edhe u.d. e presidentes. Sado që kanë sfida të veta, të jesh kreu i shtetit dhe ta udhëheqësh politikën e jashtme të vendit e ushtrinë e saj, dhe detyra të tjera si përfaqësim i unitetit janë përgjegjësi e jashtëzakonshme dhe ju dëshirojmë shumë sukses e shëndet në periudhën në vijim. Njëkohësisht shpresojmë shumë që Kuvendi sa më parë ta zgjedhë presidentin apo presidenten e re me shpresën që të kemi stabilitet institucional në një kohë kur jo vetëm shteti jonë dhe rajoni ynë, por e gjithë bota po kalon kriza të mëdha”,-tha Osmani në ceremoni./CNA 





Lajmet e fundit nga