web counter
LEXO PA REKLAMA!

SHKARKO APP

App Store
Google Play

Osmanit i përfundon mandati/ Pritet t'i dorëzojë detyrën kryeparlamentares Haxhiu

4 Prill 2026, 09:07, Kosova & Bota CNA

Osmanit i përfundon mandati/ Pritet t'i dorëzojë

Presidentja e Republikës së Kosovës, Vjosa Osmani, përfundon mandatin këtë të shtunë. Në mungesë të zgjedhjes së presidentit të ri, Osmani detyrën ia dorëzon kryetares së Kuvendit të Republikës së Kosovës, Albulena Haxhiu.

Ceremonia e dorëzim-pranimit të detyrës do të mbahet në Kabinetin e Presidentes në orën 16:00.

“Në orën 16:00, Presidentja e Republikës së Kosovës, Vjosa Osmani, ia dorëzon detyrën Kryetares së Kuvendit të Republikës së Kosovës, Albulena Haxhiu. Akti ceremonial i dorëzim-pranimit të detyrës do të mbahet në Kabinetin e Presidentes”, thuhet në njoftimin e Presidencës.

Zhvillimet e fundit në Kosovë lidhur me çështjen e presidentit janë karakterizuar nga një ngërç i thellë politik. Kuvendi në seancën e caktuar për presidentin nuk arriti ta zgjedhë në mungesë të kuorumit, ndërkaq seanca është ndërprerë.

Situata u përshkallëzua më tej pasi presidentja Vjosa Osmani shpërndau Kuvendin dhe paralajmëroi zgjedhje të jashtëzakonshme, vendim që u kontestua dhe u dërgua në Gjykatën Kushtetuese.

Vendimi i Kushtetueses tha se dekreti i Osmanit për shpërndarje të legjislativit s’ka efekt juridik, ndërkaq i ka dhënë kohë Kuvendit 34 ditë për zgjedhjen e presidentit. /CNA





Lajmet e fundit nga