web counter
LEXO PA REKLAMA!

SHKARKO APP

App Store
Google Play

E fundit!

x

Trump paralajmëron Iranin: Nëse vendosni mina në Ngushticën e Hormuzit, pasojat do të jenë të papara ndonjëherë

10 Mars 2026, 21:36, Kosova & Bota CNA

Trump paralajmëron Iranin: Nëse vendosni mina në Ngushticën

Presidenti i Shteteve të Bashkuara të Amerikës, Donald Trump ka paralajmëruar se nëse Irani ka vendosur mina në Ngushticën e Hormuzit, pasojat ushtarake për të do të jenë të papara ndonjëherë.

Në postimin e tij në platformën "Truth Social", Trump ka njoftuar gjithashtu se deri më tani SHBA nuk ka raportime se në Ngushticë mund të jenë vendosur mina. Ndër të tjera presidenti bëri me dije se po përdoret teknologji dhe aftësi raketore për të eliminuar përgjithmonë çdo varkë ose anije që përpiqet të minojë Ngushticën e Hormuzit.

“Nëse Irani ka vendosur ndonjë minë në Ngushticën e Hormuzit dhe nuk kemi raportime se ata e kanë bërë këtë, ne duam që ato të hiqen MENJËHERË! Nëse për ndonjë arsye janë vendosur mina dhe ato nuk hiqen menjëherë, pasojat ushtarake për Iranin do të jenë në një nivel të paparë më parë. Nga ana tjetër, nëse ata heqin atë që mund të jetë vendosur, ky do të jetë një hap gjigant në drejtimin e duhur! Përveç kësaj, ne po përdorim të njëjtën Teknologji dhe aftësi raketore të vendosura kundër Trafikantëve të Drogës për të eliminuar përgjithmonë çdo varkë ose anije që përpiqet të minojë Ngushticën e Hormuzit. Ata do të trajtohen shpejt dhe me dhunë. KUJDES!”, thuhet në postimin e Trump.

Në një tjetër reagim, presidenti amerikan tha se SHBA-të kanë shkatërruar brenda pak orëve 10 varka dhe anije joaktive që vendosnin mina.

“Kam kënaqësinë të njoftoj se brenda pak orëve të fundit, kemi goditur dhe shkatërruar plotësisht 10 varka dhe/ose anije joaktive që vendosnin mina, dhe do të ketë edhe të tjera”, thuhet në reagim.

Çmimet e naftës në të gjithë globin janë rritur ndjeshëm ditët e fundit për shkak të shqetësimeve në lidhje me kalimin e naftës përmes korridorit kryesor të transportit detar. Mediat ndërkombëtare raportuan se asetet e inteligjencës amerikane besojnë se Irani po përgatitet të vendosë mina detare në Ngushticën e Hormuzit. Sipas informacionit të marrë nga CBS, Irani po përdor anije të vogla që mbajnë nga dy deri në tre mina secila. Ende nuk ka asnjë reagim  nga Irani lidhur me pretendimet. /CNA





Lajmet e fundit nga