web counter
LEXO PA REKLAMA!

SHKARKO APP

App Store
Google Play

E fundit!

x

"Mbretëria e Bashkuar riafirmon mbështetjen për Kosovën"/ Konjufca zhvillon bisedë telefonike me ministrin britanik

10 Mars 2026, 21:21, Kosova & Bota CNA

"Mbretëria e Bashkuar riafirmon mbështetjen për

Zëvendëskryeministri i Parë dhe njëkohësisht ministri i Punëve të Jashtme dhe Diasporës në Kosovë, Glauk Konjufca ka zhvilluar një bisedë telefonike me Ministrin e Shtetit për Evropën dhe Amerikën e Veriut të Mbretërisë së Bashkuar dhe Irlandës Veriore, Stephen Doughty.

Gjatë bisedës Doughty ka uruar Konjufcën për detyrën e rë dhe ka riafirmuar mbështetjen e Mbretërisë së Bashkuar për Kosovën dhe aspiratat e saj ndërkombëtare. Gjithashtu sipas reagimit të ministrisë së Jashtme të Kosovës, në takim u diskutua për mundësitë e zgjerimit të mëtejshëm të bashkëpunimit ndërmjet dy vendeve

Postimi i plotë:

Zëvendëskryeministri i Parë dhe Ministri i Punëve të Jashtme dhe Diasporës, z. Glauk Konjufca, zhvilloi një bisedë telefonike me Ministrin e Shtetit për Evropë dhe Amerikën e Veriut të Mbretërisë së Bashkuar dhe Irlandës Veriore, z. Stephen Doughty.

Gjatë bisedës njoftuese, Ministri Doughty e uroi Zëvendëskryeministrin Konjufca për detyrën e re dhe riafirmoi mbështetjen e Mbretërisë së Bashkuar për Republikën e Kosovës dhe për aspiratat e saj ndërkombëtare. Zëvendëskryeministri Konjufca e falënderoi për përkrahjen e vazhdueshme të Mbretërisë së Bashkuar në proceset e shtetndërtimit të Kosovës, si dhe për rolin e saj të rëndësishëm në forcimin e institucioneve demokratike dhe stabilitetit në vend.

Gjatë bisedës u diskutua gjithashtu për mundësitë e zgjerimit të mëtejshëm të bashkëpunimit ndërmjet dy vendeve dhe për vazhdimin e koordinimit të ngushtë në çështje me interes të përbashkët në nivel bilateral dhe ndërkombëtar.

Partneriteti ndërmjet Republikës së Kosovës dhe Mbretërisë së Bashkuar mbetet një shtyllë e rëndësishme e zhvillimit demokratik, sigurisë dhe avancimit ndërkombëtar të vendit tonë. /CNA





Lajmet e fundit nga