LEXO PA REKLAMA!

SHKARKO APP

Serbët në Kosovë mund të lëvizin pa viza në BE

24 Prill 2024, 08:55, Kosova & Bota kosovë
Serbët në Kosovë mund të lëvizin pa viza në BE
Foto ilustruese

Parlamenti Evropian ka votuar për miratimin e lëvizjes pa viza për serbët në Kosovë që kanë pasaporta serbe të lëshuara nga Drejtoria Koordinuese Serbe.

Ndryshimet e reja nënkuptojnë se edhe mbajtësit e pasaportave serbe të lëshuara nga Drejtoria Koordinuese Serbe kanë të drejtë të udhëtojnë pa viza në vendet e zonës Shengen të BE-së, pas marrëveshjes për liberalizimin e vizave me Kosovën që hyri në fuqi nga 1 janari i këtij viti, raporton SchengenVisaInfo.

"Të mërkurën, eurodeputetët votuan me 406 vota pro, 97 kundër dhe 94 abstenime për të mbështetur udhëtimin pa viza në BE deri në 90 ditë për mbajtësit e pasaportave serbe të lëshuara nga Drejtoria Koordinuese Serbe (“Koordinaciona uprava”), e cila lëshon pasaporta për serbët e Kosovës. Kjo siguron që i gjithë rajoni i Ballkanit Perëndimor të ketë të njëjtin regjim vizash për udhëtimet në BE", njoftoi PE-ja. 

Në lidhje me këtë, raportuesi Matjaz Nemec tha se zgjerimi i liberalizimit të vizave të BE-së për banorët serbë të Kosovës është i rëndësishëm për të parandaluar diskriminimin ndaj këtyre qytetarëve, të cilët mbeten kategoria e vetme në Ballkanin Perëndimor që ende u kërkohet të mbajnë vizë për të udhëtuar në Zonën Shengen./CNA 

Lajmet e fundit nga