E fundit!

10:19 Politikë

“Kjo protestë më intereson, ajo e sikur-eve më neverit”/ Rama nxjerr mesazhin e protestuesit

Kryeministri Edi Rama në episodin e sotëm të podcastit të ...

Sarkozy nisi dje dënimin/ Brenda qelisë së ish-presidentit dhe simbolika e librave

22 Tetor 2025, 09:20, Kosova & Bota CNA

Sarkozy nisi dje dënimin/ Brenda qelisë së ish-presidentit dhe

Ish-presidenti francez, Nicolas Sarkozy, filloi të martën e 21 tetorit dënimin e tij me 5 vite burg. Sarkozy do ta vuajë dënimin e tij në burgun La Sante të Parisit.

Sarkozi, i cili udhëhoqi vendin midis viteve 2007 dhe 2012, u dënua në fund të shtatorit për konspiracion, mbi një plan që diktatori libian Muammar Gaddafi të financonte fushatën e tij zgjedhore. Ai bëhet ish-udhëheqësi i parë francez që burgoset që nga bashkëpunëtori nazist Marshal Philippe Pétain pas Luftës së Dytë Botërore.

Ish-presidenti do të duhet ta kalojë kohën në qelinë e tij prej 9 metrash katrorë, e cila ka një sobë gatimi, një tavolinë të vogël dhe një dush me tualet. Ai do të ketë qasje në një televizor (kundër një tarife prej 14 eurosh në muaj), një bibliotekë dhe një palestër.

Sarkozy nisi dje dënimin/ Brenda qelisë së ish-presidentit dhe

Sarkozy ka marrë në qeli tre libra, të cilët janë dy vëllimet e “Kontit të Monte Kristos” nga Alexandre Dumas dhe biografia e Jezu Krishtit. Vepra e Dumas, të cilën Sarkozy zgjodhi ta merrte në qeli, mbart një simbolikë mjaft të fortë. Personazhi kryesor, Edmond Dantes, burgoset padrejtësisht për 14 vite.

Dantes arratiset nga qelia dhe planifikon hakmarrjen ndaj kundërshtarëve, për t’u rikthyer më pas në Francën e pas Napoleonit si Konti i Monte Kristos. Ndoshta Sarkozy e identifikon veten me Edmond Dantes, duke qenë se ai nuk e ka pranuar asnjëherë fajësinë e tij. Gjatë rrugës nga banesa e tij për në qeli, ditën e djeshme, ish-presidenti deklaroi se: një njeri i pafajshëm po burgoset.

Sa i përket librit të dytë, “Jésus”, nga Jean-Christian Petitfils, botuar në vitin 2011, ai ofron një vështrim të dokumentuar mirë mbi jetën e Krishtit. Petitfils mbështetet në burime historike dhe kërkime për të pikturuar një portret që është larg rrëfimeve thjesht fetare./CNA