web counter
LEXO PA REKLAMA!

SHKARKO APP

App Store
Google Play

Mediat amerikane: Trump ka miratuar planin e sulmit ndaj Iranit, por nuk ka marrë vendimin përfundimtar

19 Qershor 2025, 07:31, Kosova & Bota CNA

Mediat amerikane: Trump ka miratuar planin e sulmit ndaj Iranit, por nuk ka

Mediat amerikane kanë raportuar se presidenti Donald Trump ka miratuar planet për të sulmuar Iranin, por nuk ka marrë një vendim përfundimtar nëse do ta sulmojë vendin.

Presidenti amerikan u përmbajt nga nisja e sulmeve në rast se Irani pranonte të braktiste programin e tij bërthamor, tha një burim i lartë i inteligjencës për CBS. Trump thuhet se po shqyrton një sulm amerikan ndaj Fordos, një objekt nëntokësor i pasurimit me uranium në Iran.

Udhëheqësi Suprem i Iranit, Ajatollah Ali Khamenei, hodhi poshtë të mërkurën kërkesën e Trump-it për dorëzim pa kushte, ndërsa presidenti amerikan tha se durimi i tij kishte sosur.

Të mërkurën, Trump tha: "Mund ta bëj, mund të mos e bëj", kur iu bë një pyetje në lidhje me përfshirjen e SHBA-së në sulmet ndaj Iran.

Khamenei e paralajmëroi duke thënë se çdo ndërhyrje ushtarake amerikane do të ishte e kushtueshme dhe se kombi iranian nuk do të dorëzohet.

Trump e shpërfilli paralajmërimin, duke thënë "fat të mbarë", por përsëri nuk pranoi të zbulonte planet e tij. "Askush nuk e di se çfarë do të bëj", tha ai./ CNA





Lajmet e fundit nga