web counter
LEXO PA REKLAMA!

SHKARKO APP

App Store
Google Play

“Kjo ditë na kujton dhimbjen dhe sakrificën e popullit”/ Kurti përkujton Masakrën e Deçanit

1 Qershor 2025, 18:48, Kosova & Bota CNA

“Kjo ditë na kujton dhimbjen dhe sakrificën e popullit”/

Kryeministri i Kosovës, Albin Kurti, kujtoi sot një nga ngjarjet më tragjike, atë të 1 qershorit 1998 në komunën e Deçanit, kur forcat serbe zhvilluan një ofensivë të madhe ushtarake në rajonin e Dukagjinit, duke kryer krime të rënda ndaj popullatës shqiptare.

Kurti deklaroi se sipas të dhënave të organizatave ndërkombëtare si Human Rights Watch dhe OSBE, ky aksion u karakterizua nga përdorimi i armëve të rënda ndaj vendbanimeve civile, zhvendosje të dhunshme të shqiptarëve nga shtëpitë e tyre, ekzekutime dhe zhdukje të civilëve të pafajshëm, si dhe shkatërrim i qëllimshëm i pronës.

 Në fjalën e tij, Kurti theksoi se sakrifica e popullit të Kosovës mbetet themel i lirisë. 

 “Më 1 qershor 1998, në kuadër të një fushate të gjerë ushtarake në Dukagjin, forcat serbe kryen një operacion të egër që përfshiu rrethimin dhe bombardimin e fshatrave si Pobërgjë, Hulaj, Batushë dhe të tjerë përreth. Në këtë 27-vjetor, nderojmë 19 civilët e vrarë nga forcat serbe dhe përkujtojmë të gjithë ata që ranë gjatë luftës për liri. Kjo ditë na rikujton dhimbjen, por edhe vendosmërinë e popullit tonë për liri dhe dinjitet. I paharruar qoftë kujtimi i të gjithë dëshmorëve dhe martirëve të kombit. Lavdi e përjetshme”,-tha Kurti./CNA





Lajmet e fundit nga