web counter
LEXO PA REKLAMA!

SHKARKO APP

App Store
Google Play

E fundit!

x

"Kanë kapacitet të arrijnë thellë në Evropë”/ Netanyahu viziton vendin e sulmit iranian në jug të Izraelit

22 Mars 2026, 14:14, Kosova & Bota CNA

"Kanë kapacitet të arrijnë thellë në

Kryeministri i Izraelit Benjamin Netanyahu dënoi Teheranin për shënjestrimin e një zone civile, ndërsa vizitoi sot vendin e një sulmi iranian në qytetin jugor izraelit të Arad. Sipas tij qëllimi i Iranit është të vrasin civilë.

“Në 48 orët e fundit, 48 orët e fundit, Irani shënjestroi një zonë civile. Ata po e bëjnë këtë si armë vrasjeje masive. Për fat të mirë, askush nuk u vra, por kjo është për shkak të fatit, jo qëllimit të tyre. Qëllimi i tyre është të vrasin civilë”, tha Netanyahu.

Shërbimi i reagimit emergjent i Izraelit njoftoi një ngjarje me viktima masive pas sulmit në Arad dje që plagosi të paktën 84 persona, 10 prej të cilëve rëndë. Qyteti i Dimonës u godit gjithashtu në një sulm të veçantë me raketa balistike.

Netanyahu tha ndërkohë më tej se Irani ka kapacitetin për të arritur deri thellë në Evropë.

“Kam paralajmëruar gjatë gjithë kohës, ata tani kanë kapacitetin për të arritur thellë në Evropë. Ata tashmë kanë qëlluar mbi vendet evropiane, Qipron. Po i vënë të gjithë në shënjestër. Irani po ndalon një rrugë ndërkombëtare detare – një rrugë energjie – dhe po përpiqet të shantazhojë të gjithë botën. Çfarë prove tjetër ju nevojitet që ky regjim, që kërcënon të gjithë botën, duhet të ndalet?”, u shpreh Netanyahu. /CNA





Lajmet e fundit nga