web counter
LEXO PA REKLAMA!

SHKARKO APP

App Store
Google Play

Udhëheqësit e G7-ës: Të gatshëm të mbështesim furnizimin global me energji

21 Mars 2026, 21:38, Kosova & Bota CNA

Udhëheqësit e G7-ës: Të gatshëm të mbështesim

Ministrat e Jashtëm të vendeve të G7-ës kanë deklaruar se janë të gatshëm të marrin masat e nevojshme për të mbështetur furnizimin global me energji.

Në deklaratë, udhëheqësit e Kanadasë, Francës, Gjermanisë, Italisë, Japonisë, Mbretërisë së Bashkuar, SHBA-së dhe përfaqësuesin e lartë të Bashkimit Evropian, u shprehën se dënojnë sulmet e Iranit ndaj infrastrukturës civile dhe energjetike në të gjithë rajonin.

"Ne shprehim mbështetje për partnerët tanë në rajon përballë sulmeve të pajustifikueshme nga Republika Islamike e Iranit dhe përfaqësuesit e saj. Dënojmë me fjalët më të ashpra sulmet e pamatura të regjimit kundër civilëve dhe infrastrukturës civile, përfshirë infrastrukturën energjetike", thuhej në deklaratë.

Irani është hakmarrë për sulmet amerikane dhe izraelite duke synuar vendet e Gjirit Persik, infrastrukturën energjetike dhe transportin detar përmes Ngushticës së Hormuzit, përmes së cilës rrjedhin pjesë të konsiderueshme të furnizimeve botërore me naftë.

Angazhimi vjen pas një lëvizjeje të Agjencisë Ndërkombëtare të Energjisë për të liruar 400 milionë fuçi rezerva nafte për të zvogëluar mungesën e furnizimit për shkak të luftës. /CNA

 





Lajmet e fundit nga