web counter
LEXO PA REKLAMA!

SHKARKO APP

App Store
Google Play

E fundit!

x

Rasti i gazit lotsjellës në Kuvendin e Kosovës/ Kryeparlamentarja Haxhiu dhe tre të tjerë shpallen të pafajshëm

22 Mars 2026, 10:10, Kosova & Bota CNA

Rasti i gazit lotsjellës në Kuvendin e Kosovës/ Kryeparlamentarja

Gjykata Themelore e Prishtinës ka shpallur të pafajshëm kryetaren e parlamentit Albulena Haxhiu dhe deputetët e asaj kohe Pal Lekaj, Donika Kadaj-Bujupi dhe Besa Baftiu për akuzën për hedhjen e gazit lotsjellës në Kuvendin e Kosovës.

Lajmi u dha në një konferencë për mediat nga avokatët e tyre të cilët thanë se të akuzuarit janë liruar nga të gjitha pikat e aktakuzës dhe janë shpallur të pafajshëm.

Burim Halili, avokat i kryeparlamentares Haxhiu, deklaroi se rasti ka qenë i stërzgjatur dhe se tashmë ekziston një vendim përfundimtar që i liron ata nga të gjitha akuzat.

“Zonja Haxhiu kishte mbajtur qëndrim të qartë kundër Asociacionit. Pastaj me rastin e zhvillimit të shumë ngjarjeve në atë kohë në parlament ishin ndaluar së bashku me deputetë të tjerë, ku ndaj tyre ishin ndaluar disa elemente, që ishin të dyshimta. Dhe është mbajtur një shqyrtim gjyqësor dhe asnjëherë nuk ka arritur që të vërtetohet se elementet e dyshimta kishin të bëjnë me vepër penale për çka se ato ishin ndaluar. Pastaj rasti ishte stërzgjatur, ku kishte shkuar dhe arritur pas dhjetë viteve e kemi edhe parashkrimin, ku në rastin konkret kemi vendim ku lirohen nga të gjitha pikat e aktakuzës Albulena Haxhiu dhe të tjerët”, u shpreh Halili.

Ndërkohë, Musa Damati, avokat i Pal Lekajt, tha se pas dhjetë vitesh është vërtetuar pafajësia e tyre në përputhje të plotë me ligjin.

“Klienti im, zotëri Pal Lekaj, është shpallur i pafajshëm nga të gjitha akuzat me të cilat është ngarkuar në rastin e njohur për publikun, rastin e gazit lotsjellës. Pra kemi të bëjmë me rastin e njohur të hedhjes së bombolave të gazit lotsjellës, për të cilat janë pandehur dhe janë ngarkuar, dhe është rast i cili është shqyrtuar tashmë e dhjetë vite në organet e Kosovës”, tha avokati. /CNA





Lajmet e fundit nga