web counter
LEXO PA REKLAMA!

SHKARKO APP

App Store
Google Play

Ish-besniku i Kremlinit kthehet kundër Putin-it: Duhet të japë dorëheqjen

18 Mars 2026, 15:26, Kosova & Bota CNA

Ish-besniku i Kremlinit kthehet kundër Putin-it: Duhet të japë

Për vite me radhë, Ilya Remeslo njihej si një nga zërat besnikë të linjës pro-Kremlinit, duke sulmuar kritikët e regjimit dhe gazetarët e pavarur. Por në një zhvillim të papritur, avokati 42-vjeçar ka ndryshuar qëndrim, duke u kthyer hapur kundër presidentit rus.

Të martën në mbrëmje, Remeslo publikoi një manifest në platformën "Telegram" për rreth 90 mijë ndjekësit e tij, me titull “Pesë arsye pse ndalova së mbështeturi Vladimir Putin-in”. Në të, ai e akuzon liderin rus për zhvillimin e një “lufte të dështuar” në Ukrainë, duke theksuar se konflikti ka shkaktuar humbje të mëdha dhe ka dëmtuar rëndë ekonominë e vendit.

Në deklaratat e tij, Remeslo e cilëson Putin-in si “president të paligjshëm” dhe argumenton se më shumë se dy dekada në pushtet kanë treguar se “pushteti absolut korrupton”. Ai i bën thirrje kreut të Kremlinit të japë dorëheqjen dhe të përballet me drejtësinë.

Reagimi i tij ka shkaktuar tronditje në hapësirën online ruse, duke ngritur pikëpyetje mbi arsyet e këtij ndryshimi të papritur dhe nëse qëndrimi i tij është i sinqertë.

Në një intervistë për "The Guardian", Remeslo deklaroi se sistemi i ndërtuar nga Putin është “i korruptuar dhe i destinuar të shembet”, duke përmendur si shembull situatën në Ukrainë. Sipas tij, ushtria ruse nuk po arrin përparim dhe lufta nuk po sjell rezultate konkrete për Rusinë.

Ai gjithashtu kritikoi ashpër qeverisjen autoritare, gjendjen ekonomike dhe përpjekjet për kufizimin e internetit, duke thënë se vendi “po shkatërrohet fjalë për fjalë”.

Sipas analistit Ivan Philippov, reagimi i Remeslos përbën një rast të rrallë, pasi shumë pak figura nga kampi pro-luftës kanë guxuar të sfidojnë drejtpërdrejt Putin-in. “Kjo është e pashembullt”, u shpreh ai, duke shtuar se situata mbetet e paqartë.





Lajmet e fundit nga