web counter
LEXO PA REKLAMA!

SHKARKO APP

App Store
Google Play

Tragjike në Vjenë/ Shembet skela në një kantier ndërtimi, humbin jetën tre shqiptarë të Kosovës

18 Mars 2026, 08:58, Kosova & Bota CNA

Tragjike në Vjenë/ Shembet skela në një kantier

Një aksident tragjik ka ndodhur në një kantier ndërtimi në Vjenë të Austrisë, ku kanë humbur jetën 4 persona nga shembja e një skele.

Sipas raportimeve, gjatë punimeve të betonit një pjesë e konstruksionit u shemb duke zënë poshtë pesë punëtorë. Njëri prej tyre u nxor nga rrënojat dhe u shpëtua, ndërsa katër të tjerët humbën jetën në vendin e ngjarjes.

Bëhet me dije se tri nga viktimat janë shqiptarë të Kosovës. Këtë e ka konfimuar edhe ambasada e Kosovës në Austri përmes disa postimeve në rrjetet sociale. Viktima e katërt raportohet se është shtetas nga Bosnje e Hercegovina.

Ambasada ka shprehur ngushëllime për familjet e viktimave dhe ka bërë të ditur se është në kontakt të vazhdueshëm me autoritetet austriake për zbardhjen e plotë të rastit dhe mbështetjen e familjarëve.

Ndërkohë, autoritetet në Austri kanë nisur hetimet për të përcaktuar shkaqet e aksidentit, të cilat ende mbeten të paqarta. Ndërkohë punëtori, i cili u nxor i gjallë nga rrënoja ka pësuar lëndime të rënda dhe ndodhet në gjendje të rëndë. Sipas raportimeve ai ka lëndime në kokë, shtyllën kurrizore dhe në krah, dhe është nën kujdes intensiv./CNA





Lajmet e fundit nga