web counter
LEXO PA REKLAMA!

SHKARKO APP

App Store
Google Play

Siria ndalon shitjen e alkoolit në baret dhe restorantet e Damaskut

17 Mars 2026, 22:53, Kosova & Bota CNA

Siria ndalon shitjen e alkoolit në baret dhe restorantet e Damaskut

Autoritetet siriane kanë ndaluar shitjen e alkoolit në restorante dhe bare në kryeqytetin e vendit, Damask. Vendimi shihet si një nga shenjat më të qarta deri më tani se qeveria islamiste po shkon drejt masave shtrënguese që nga përmbysja e Bashar al-Assad nga Presidenti i ri Ahmed al-Sarrah 15 muaj më parë.

Dekreti, i lëshuar nga guvernatori i Damaskut thotë se licencat për klubet e natës dhe baret do të shndërrohen në licenca kafenesh. Alkooli do të shitet vetëm në shishe të mbyllura, për t'u marrë nga dyqani dhe vetëm në lagjet ku shumica e banorëve janë të krishterë.

Çdo dyqan që shet alkool duhet të jetë të paktën 75 metra larg vendeve të kultit dhe shkollave dhe 20 metra larg objekteve të sigurisë. Pronarët e bareve kanë tre muaj për të zbatuar vendimin.

Shumë restorante kanë ndryshuar tashmë mënyrën se si shërbejnë alkool, që kur rebelët islamistë morën pushtetin. Disa e kanë hequr birrën nga menutë e tyre ose kanë filluar të shërbejnë pije alkoolike në filxhanë çaji./CNA





Lajmet e fundit nga