web counter
LEXO PA REKLAMA!

SHKARKO APP

App Store
Google Play

Hegseth: Sulmet amerikane ndaj Iranit do të rriten në mënyrë dramatike

6 Mars 2026, 08:02, Kosova & Bota CNA

Hegseth: Sulmet amerikane ndaj Iranit do të rriten në mënyrë

Në një takim informues në Komandën Qendrore të SHBA-së, Sekretari amerikan i Mbrojtjes, Pete Hegseth, së bashku me admiralin e komandës qendrore Brad Cooper dhe presidentin Donald Trump, diskutuan operacionet amerikane kundër Iranit.

Hegseth deklaroi se sasia e fuqisë së zjarrit mbi Iranin dhe mbi Teheranin do të rritet ndjeshëm, duke sinjalizuar intensifikimin e mundshëm të veprimeve ushtarake amerikane.

Ai theksoi gjithashtu se vendimi i Mbretërisë së Bashkuar për të lejuar përdorimin e bazës ushtarake në Diego Garcia do t’i ndihmojë SHBA-së të shtojë operacionet në rajon. Sipas tij, kjo leje erdhi me vonesë nga Londra.

“Ishte për të ardhur keq që britanikët nuk thanë që nga dita e parë ‘Vazhdoni dhe keni akses’, por ia dolëm”, tha Hegseth.

Ndërkohë, kryeministri britanik Keir Starmer njoftoi se Mbretëria e Bashkuar do të dërgojë edhe katër avionë luftarakë Eurofighter Typhoon për t’iu bashkuar skuadronit britanik të vendosur në Qatar.

Starmer tha se Britania ka lejuar përdorimin e bazave të saj nga SHBA për të kryer “operacione mbrojtëse”, duke theksuar bashkëpunimin ushtarak mes dy vendeve në një moment tensionesh të rritura në rajon./ CNA





Lajmet e fundit nga