web counter
LEXO PA REKLAMA!

SHKARKO APP

App Store
Google Play

Ministrat e BE takim online me ato të Gjirit Persik/ Kallas: Do të shqyrtojmë prodhimin e interceptorëve të dronëve

5 Mars 2026, 16:34, Kosova & Bota CNA

Ministrat e BE takim online me ato të Gjirit Persik/ Kallas: Do të

Ministrat e Jashtëm të Bashkimit Europian dhe Ministrat e vendeve të Gjirit Persik do të zhvillojnë sot një takim online. Shefja e politikës së Jashtme të BE-së, Kaja Kallas u shpreh për gazetarët se në fokus të takimit është situata në Lindjen e Mesme.

Kallas tha se Irani po përpiqet të zgjerojë luftën, ndërsa theksoi se përparësi është siguria e qytetarëve europianë që ndodhen aktualisht në rajonin e Lindjes së Mesme. Më tej u shpreh se do të shqyrtojnë gjithashtu se si mund të mbështesin prodhimin e interceptorëve të dronëve.

“Sot kemi një takim të jashtëzakonshëm me Ministrat e Jashtëm të BE-së dhe Ministrat e Gjirit. Sigurisht, po flasim për atë që po ndodh në Lindjen e Mesme. Irani po e eksporton luftën, duke u përpjekur ta zgjerojë atë në sa më shumë vende të jetë e mundur, për të mbjellë kaos dhe ne po bëjmë thirrje për stabilitet dhe po shohim se çfarë mund të bëjmë së bashku.

Sigurisht, përparësia jonë e parë është gjithashtu siguria e qytetarëve tanë që ndodhen aktualisht në rajon. Ne po organizojmë përgjigjen dhe po organizojmë njerëzit tanë jashtë rajonit. Ne po koordinojmë shërbimet konsullore.

Të njëjtat dronë që po sulmojnë Kievin, tani po sulmojnë partnerët tanë në Lindjen e Mesme. Pra, ne do të shqyrtojmë se si mund të mbështesim prodhimin e interceptorëve të dronëve. Ky është thelbi i diskutimit tonë të sotëm”, u shpreh Kallas. /CNA





Lajmet e fundit nga