web counter
LEXO PA REKLAMA!

SHKARKO APP

App Store
Google Play

E fundit!

x

Gjermani/ Kancelari dhe ministrat shpenzojnë mijëra euro për flokë, grim dhe fotografë

19 Nëntor 2025, 07:36, Kosova & Bota CNA

Gjermani/ Kancelari dhe ministrat shpenzojnë mijëra euro për

Mijëra euro janë shpenzuar për paraqitjen e jashtme të kancelarit gjerman, Friedrich Merz, sipas përgjigjes zyrtare që zyra e tij i ka kthyer një pyetjeje nga Alternativa për Gjermaninë (AfD).

Siç raportohet nga revistat "Der Spiegel" dhe "Stern", kancelari ka shpenzuar 12,501 euro për estetistët, grimerët dhe parukierët që nga marrja e detyrës, majin e kaluar deri në gusht.

Por ministrja federale e ekonomisë, Katherina Reiche, shpenzon më shumë se Merz. Që 6 maji deri më 4 gusht, Reiche shpenzoi 19,264 euro për kujdesin e saj personal. Nga këto, 8,324 euro lidhen me shpenzimet e udhëtimit për grimerin e saj, i cili shoqëroi Reiche në udhëtimet e saj.

Në total, të gjitha ministritë shpenzuan 58,738 euro për grimerë dhe parukierë gjatë katër muajve të parë të mandatit të qeverisë së re.

Shpenzimet më të larta për një fotograf regjistrohen në Ministrinë e Financave, me më shumë se 33,700 euro. Ministri i Jashtëm shpenzon 19,000 për një fotograf, ndërsa të gjitha ministritë së bashku arritën në 172,608 euro.

Në të kaluarën, "kampione" në shpenzimet e kujdesit personal ishte ish-ministrja e Jashtme Annalena Berbock, e cila, në vitin 2022 i ngarkoi thesarit publik 136,500 euro për të pasur me vete grimierin e saj personal në udhëtimet e saj. /CNA





Lajmet e fundit nga