web counter
LEXO PA REKLAMA!

SHKARKO APP

App Store
Google Play

Rreziku për përmbytje nga moti i keq/ Anulohet sot procesi mësimor në Prishtinë

18 Nëntor 2025, 09:24, Kosova & Bota CNA

Rreziku për përmbytje nga moti i keq/ Anulohet sot procesi

Procesi mësimor në Prishtinë është anuluar për ditën e sotme. Sipas njoftimit të Drejtorisë së Arsimit, shkak për anulimin e mësimit janë bërë kushtet e përkeqësuara atmosferike dhe reshjet e dendura të shiut. 

Në njoftimin e mëposhtëm thuhet se vendimi është marrë në koordinim me Drejtorinë e Sigurisë dhe Emergjencave, Drejtorinë e Shërbimeve Publike, si dhe me drejtorët e shkollave, ndërsa është aprovuar edhe nga kryetari i kryeqytetit.

"Të nderuar qytetarë, drejtues të institucioneve edukativo-arsimore dhe të nderuar prindër,

Ju njoftojmë se për shkak të kushteve të përkeqësuara atmosferike, reshjeve të mëdha të shiut dhe vështirësive në komunikacion, në koordinim me Drejtorinë e Sigurisë dhe Emergjencave, Drejtorinë e Shërbimeve Publike dhe drejtorët përkatës të shkollave, procesi mësimor për ditën e sotme anulohet. Ky vendim është marrë edhe në koordinim me Kryetarin e Kryeqytetit, dhe është masë preventive e sigurisë për fëmijët tanë. Faleminderit për mirëkuptimin dhe bashkëpunimin.", thuhet në njoftim. /CNA





Lajmet e fundit nga