web counter
LEXO PA REKLAMA!

SHKARKO APP

App Store
Google Play

Nesër mblidhet Parlamenti/ Pritet zgjedhja e qeverisë së re të Kosovës

18 Nëntor 2025, 17:52, Kosova & Bota CNA

Nesër mblidhet Parlamenti/ Pritet zgjedhja e qeverisë së re

Nesër, më 19 nëntor do të mbaht seanca plenare për zgjedhjen e Qeverisë së re të Kosovës. Kjo seancë do të nisë në orën 14:00.

Më herët në orën 11:00 do të mbahet një seancë për formimin e komisioneve parlamentare dhe gjithashtu do të shqyrtohet dhe miratohet projektligji për buxhetin e tri komunave të Kosovës: Prishtinë, Gjilan dhe Zubin Potok.

Një tjetër çështje është edhe financimi i Radio Televizionit të Kosovës dhe ratifikimi i disa marrëveshjeve ndërkombëtare.

Seanca për Qeverinë mbahet në ditën e fundit të mandatit kushtetues, pasi presidentja Vjosa Osmani, mandatoi më 4 nëntor Glauk Konjufcën nga Lëvizja Vetëvendosje për formimin e ekzekutivit të ri.

Sipas praktikave, Konjufca pritet të paraqesë një ekspoze para 120 deputetëve dhe të prezantojë kabinetin e ri qeverisës, për votimin e të cilit kërkohen të paktën 61 vota.

Pas propozimit si mandatar nga LVV-ja, Konjufca tha se dëshiron bashkëpunim me partitë parlamentare, por jo edhe ndonjë marrëveshje koalicioni./CNA





Lajmet e fundit nga