E fundit!

22:53 Aktualitet

Dita e 38 e protestës/ Pas rreth një ore marshim, qytetarët rikthehen te Kryeministria

Pas më shumë se një ore marshim në rrugët e kryeqytetit, q...

Dhoma e Tregtisë dhe Industrisë së Kosovës ngre alarmin për rritjen e çmimeve të karburanteve

3 Mars 2026, 14:51, Kosova & Bota CNA

Dhoma e Tregtisë dhe Industrisë së Kosovës ngre alarmin

Dhoma e Tregtisë dhe Industrisë Kosovë (DHTIK) ka shprehur shqetësimin për zhvillimet e fundit në Lindjen e Mesme, të cilat tashmë po reflektohen në rritjen e çmimeve të derivateve të naftës në Kosovë.

Sipas DHTIK, zgjerimi i krizës paraqet rrezik serioz për ndikim negativ në një numër të madh sektorësh ekonomikë, si dhe për rëndim të mëtejmë të kostos së jetesës dhe shportës së konsumatorit.

Duke theksuar se Kosova importon 100% të karburanteve, Dhoma vëren se përdorimi i gjerë i tyre në ekonomi bën që çdo rritje e çmimeve të ndikojë drejtpërdrejt në koston e transportit, prodhimit të produkteve ushqimore dhe ofrimit të shërbimeve bazë. Sektorët më të ndjeshëm të ekonomisë pritet të jenë më të prekurit.

“Dhoma e Tregtisë dhe Industrisë Kosovë shpreh shqetësimin e saj lidhur me zhvillimet e fundit në Lindjen e Mesme, të cilat tashmë po reflektohen në rritjen e çmimeve të derivateve të naftës në vendin tonë.

Duke e parë se kriza po zgjerohet, rreziku i ndikimit negativ tek një numër i madh i sektorëve ekonomikë dhe i rëndimit të mëtejmë të kostos së jetesës dhe shportës së qytetarëve është i madh.

Meqenëse Kosova importon 100% të karburanteve dhe të njëjtat kanë një përdorim të gjerë në ekonomi, rritja e vazhdueshme e çmimeve të karburanteve ndikon drejtpërdrejt në rritjen e kostos së transportit dhe prodhimit të produkteve ushqimore dhe shërbimeve bazë, duke prekur veçanërisht sektorët më të ndjeshëm të ekonomisë.

Kjo situatë do të rris kostot e prodhimit për bizneset vendëse, zvogëlon konkurrueshmërinë, ulë potencialin për eksport, i cili edhe ashtu është goditur rëndë nga rritja e çmimit të energjisë dhe liberalizimit i energjisë që u bë në mënyrë të padrejtë.

Kriza mund të ndikoj edhe në rritje të inflacionit.

Me këtë rast, Dhoma e Tregtisë dhe Industrisë Kosovë u bënë thirrje të gjitha institucioneve përgjegjëse që të ndërmarrin veprime konkrete dhe të menjëhershme, duke filluar me realizimin e një dialogu të strukturuar dhe të vazhdueshëm me komunitetin e biznesit, me qëllim identifikimin e sfidave reale dhe gjetjen e zgjidhjeve të përbashkëta.

DHTIK propozon që të shqyrtohet mundësia e uljes ose pezullimit të përkohshëm të disa taksave për bizneset që preken më së shumti nga rritja e çmimeve, si dhe rishikimi i barrës tatimore për produktet esenciale, në mënyrë që të zbutet ndikimi tek konsumatorët dhe të mbështetet prodhimi dhe eksporti vendor.

Dhoma është e gatshme që të ofrojë kontributin e saj në tejkalimin e kësaj situate”, thuhet në njoftim./ CNA