web counter
LEXO PA REKLAMA!

SHKARKO APP

App Store
Google Play

E fundit!

x

Bosi i mafies siciliane ndërron jetë në burg në moshën 87-vjeçare/ Roli i Benedetto Santapaola-s te Cosa Nostra

3 Mars 2026, 07:41, Kosova & Bota CNA

Bosi i mafies siciliane ndërron jetë në burg në moshën

Benedetto "Nitto" Santapaola, bosi i mafias siciliane i cili ka qenë në burg për më shumë se tri dekada, ka vdekur në moshën 87-vjeçare.

Santapaola, i cili u arrestua në vitin 1993 dhe po vuante dënimin me burgim të përjetshëm për vrasje dhe krime të shumta, ndërroi jetë në një burg të sigurisë së lartë në Milano.

Santapaola, i njohur si "il cacciatore" (gjahtari) ose "il licantropo" (ujku), udhëhoqi mafian në qytetin lindor siçilian të Katanias nga fundi i viteve 1970 deri në fillim të viteve 1990.

Ai u gjykua dhe u dënua si një nga nxitësit e vrasjeve të vitit 1992 të Giovanni Falcone dhe Paolo Borsellino, dy nga prokurorët më të famshëm të antimafias në Itali.

Roli i Santapaola-s brenda Cosa Nostra-s

Benedetto Santapaola ishte kreu i familjes mafioze të Katanias, një nga degët më të fuqishme jashtë Palermos.

Ai ishte aleat i fraksionit të drejtuar nga Totò Riina, lideri i ashpër i klanit Corleonesi. Santapaola ishte pjesë e strategjisë së dhunshme kundër shtetit italian në fillim të viteve ’90.

Ai u konsiderua një figurë kyçe në zgjerimin e ndikimit të Cosa Nostra-s në lindje të Sicilisë dhe në lidhjet me trafikun ndërkombëtar të drogës.

Konflikti me shtetin italian

Cosa Nostra, përfshirë edhe Santapaolën, u përball me një ofensivë të fortë të drejtësisë italiane:

-Procesi i madh gjyqësor “Maxi Trial” në fund të viteve ’80.

-Arrestime masive të bosëve mafiozë.

-Regjimi i ashpër i burgimit 41-bis.

Santapaola u arrestua në vitin 1993 dhe u dënua me burgim të përjetshëm, duke shënuar një goditje të rëndësishme ndaj strukturave të Cosa Nostra-s./ CNA





Lajmet e fundit nga