E fundit!

21:41 Politikë

“Shënim për ata që kujtojnë se ka mbetur ambientalizëm në protestë”/ Rama i përgjigjet komentuesve

Kryeministri Edi Rama i është përgjigjur komentuesve përme...

25 akuza për shpërdorim detyre dhe pastrim parash/ Ish-kryeministri i Malajzisë shpallet fajtor për skandalin e fondeve shtetërore

26 Dhjetor 2025, 10:57, Kosova & Bota CNA

25 akuza për shpërdorim detyre dhe pastrim parash/ Ish-kryeministri i

Një gjykatë në Malajzi ka dënuar ish-kryeministrin Najib Razak për abuzim me pushtetin dhe pastrim parash, në gjyqin e tij të dytë të madh për një skandal me fonde shtetërore prej miliarda dollarësh.

Najib, 72 vjeç, u akuzua për përvetësim të gati 2.3 miliardë ringit malajzian (569 milionë dollarë) nga fondi i pasurisë së vendit 1Malaysia Development Berhad (1MDB). Një gjyqtar e shpalli fajtor për katër akuza për shpërdorim pushteti dhe 21 akuza për pastrim parash, ndërsa dënimi i tij është ende nuk është dhënë.

Ish-kryeministri është tashmë në burg pasi u dënua vite më parë në një rast tjetër të lidhur me fondin e pasurisë së vendit. Vendimi i së premtes vjen pas shtatë vitesh procedurash ligjore, gjatë të cilave u thirrën 76 dëshmitarë.

Vendimi, i dhënë në kryeqytetin administrativ të Malajzisë, Putrajaya, është goditja e dytë brenda të njëjtës javë ndaj ish-liderit, i cili është burgosur që nga viti 2022. Të hënën, gjykata hodhi poshtë kërkesën e tij për të vuajtur pjesën e mbetur të dënimit në arrest shtëpiak.

Por ish-kryeministri ruan një bazë besnike mbështetësish, të cilët pretendojnë se ai është viktimë e vendimeve të padrejta dhe që janë shfaqur në gjyqet e tij duke kërkuar lirimin e tij. Dhjetwra njerëz u mblodhën jashtë gjykatës në Putrajaya në mbështetje të Najibit.

Skandali 1MDB bëri bujë në të gjithë botën kur doli në dritë një dekadë më parë, duke përfshirë figura të shquara nga Malajzia te Goldman Sachs dhe Hollywood. Hetuesit vlerësuan se 4.5 miliardë dollarë u derdhën nga fondi i pasurisë në pronësi të shtetit në xhepa privatë, përfshirë edhe atë të Najibit.

Skandali ka pasur pasoja të thella në politikën malajziane. Në vitin 2018, ai çoi në një humbje historike në zgjedhje për koalicionin Barisan Nasional të Najib, i cili kishte qeverisur vendin që nga pavarësia e tij në vitin 1957.

Tani, vendimet e fundit kanë nxjerrë në pah përçarjet në koalicionin qeverisës të Malajzisë, i cili përfshin partinë e Najibit, Organizatën Kombëtare të Malajzisë së Bashkuar (UMNO). Përpjekja e dështuar e Najibit për arrest shtëpiak të hënën u prit me zhgënjim nga aleatët e tij, por u festua nga kritikët e tij brenda të njëjtit koalicion.

Kryeministri i Malajzisë, Anwar Ibrahim, u bëri thirrje politikanëve nga të gjitha palët që të respektojnë vendimet e gjykatës. /CNA