web counter
LEXO PA REKLAMA!

SHKARKO APP

App Store
Google Play

Sulm në Grand Central të New York-ut/ Autori plagos 3 persona

11 Prill 2026, 22:43, Kosova & Bota CNA

Sulm në Grand Central të New York-ut/ Autori plagos 3 persona

Një i dyshuar me hanxhar sulmoi rastësisht tre persona në stacionin Grand Central të New York City-t përpara se të qëllohej për vdekje nga policia, në një sulm që devijoi trenat në qendrën më të madhe hekurudhore të vendit.

I dyshuari goditi me hanxhar një burrë 84-vjeçar dhe një burrë 65-vjeçar në kokë dhe fytyrë, si dhe la një grua 70-vjeçare me prerje në shpatull gjatë sulmit në platformën e metrosë.

Policia tha se sulmuesi, 44-vjeçari Anthony Griffin, injoroi kërkesat e përsëritura për të hedhur armën dhe e quajti veten Lucifer.

Autoritetet thanë se nuk dyshohet për lidhje me terrorizmin në këtë incident.

Ai hipi në trenin numër 7 për në stacionin Grand Central-42 Street, ku goditi me  hanxhar një person në platformë. Sulmuesi u ngjit lart në një platformë tjetër ku goditi dy persona të tjerë.

Njëri ishte një burrë 84-vjeçar, i cili pësoi plagë të rënda në kokë dhe fytyrë, dhe tjetri ishte një burrë 65-vjeçar, i cili pësoi lëndime të ngjashme, si dhe një frakturë të hapur të kafkës, tha Komisioneri Tisch.

“Individi ishte i armatosur me një thikë të madhe, të përshkruar si hanxhar, dhe sillej në mënyrë të çrregullt, duke deklaruar vazhdimisht se ishte Luciferi”, tha Tisch.

Ajo tha se sulmuesi kishte injoruar të paktën 20 kërkesa për të lëshuar armën dhe u afrua drejt oficerëve me thikën e shtrirë.

Një oficer qëlloi me armë, duke e qëlluar dy herë të dyshuarin, përpara se ata të provonin masa shpëtimi për jetën. Por i dyshuari u shpall i vdekur në Spitalin Bellevue.

Të tre të lënduarit u dërguan në spital me lëndime që nuk besohet se ishin kërcënuese për jetën. Policia e Nju Jorkut u bëri thirrje banorëve të shmangin zonën për shkak të hetimit.





Lajmet e fundit nga