web counter
LEXO PA REKLAMA!

SHKARKO APP

App Store
Google Play

Urbani përplasi makinat/ Brataj: Shoferi nuk mbante mend gjë

2023-02-27 16:02:00, Shëndeti CNA
Urbani përplasi makinat/ Brataj: Shoferi nuk mbante mend gjë
Kreu i Urgjencës Kombëtare, Skënder Brataj

Kreu i Urgjencës Kombëtare, Skëndër Brataj, foli pasditen e sotme për aksidentin masiv në Tiranë, ku një urban i linjës së Unazës përplasi disa makina.

Brataj tha se shoferi i autobusit nuk mbante mend asgjë kur në vendngjarje mbërriti ekipi i parë.

Ai deklaroi se shoferi mund të ketë humbur koshiencën, pasi nuk beson se ka qenë me shpejtësi të lartë.

“Ekipi i parë që ka shkuar në vendin e ngjarjes, atë ka referuar që shoferi nuk kujtonte asgjë. Dhe mesa pashë në vendin e ngjarjes nuk kishte frenim të autobusit. Mendoj që nuk ka qenë shumë shpejt makina. Po të ishte shpejtësia e lartë, do të kishim shumë të plagosur, pasi ishte autobus me një numër të lartë. Ne e quajmë humbje të koshiencës, ndërsa gjendja sinikopale, është kur i humb komplet reflekset. Sigurisht që ka limite apo kufizime të përdorimit të patentës për nivele të ndryshme punë. Një diabetik nuk duhet të jetë, apo një epileptik sepse mund t’i ndodhë shqetësimi në moment. Pra duhet të kenë kufizime të tyre, sa i përket llojit të sëmundjeve. Kur bënë testin e alkoolit isha prezent”, theksoi ai./ CNA.al





Lajmet e fundit nga