Rrëfimet trishtuese të mësueseve ukrainase/ Torturat pse refuzuan mësimdhënien në Rusisht

2022-10-02 14:20:00, Kosova & Bota CNA

Rrëfimet trishtuese të mësueseve ukrainase/ Torturat pse refuzuan

Drejtoresha Lidiya Tilna

Në dy javët e fundit, forcat ukrainase thonë se kanë marrë përsëri 6,000 km katrorë (2,317 milje katrore) territor, duke çliruar komunitetet që kanë qenë nën kontrollin rus për më shumë se gjashtë muaj. Mësuesit e shkollave në këto zona i kanë thënë "BBC"-së se ka pasur një përpjekje sistematike për të eliminuar kurrikulën ukrainase dhe për ta zëvendësuar atë me një axhendë ruse.

Duke udhëtuar në lindje të Kharkiv, në qytetet e çliruara së fundmi, "BBC" foli me mësuesit dhe stafin vendas, të cilët përshkruanin një model të ngjashëm asimilimi të detyruar.

Së pari, shkatërrimi i pronës: tekstet shkollore, flamujt ukrainas, veprat e fëmijëve, duke përfshirë ekspozita murale mbi shkrimtarët e famshëm ukrainas ose ikona kulturore. Por më pas, një rrethim mbi vetë mësuesit.

Duke qëndruar me krenari mes një 'deti' me tekste ukrainase është kryemësuesja Liliya Sirous. Ajo thotë se iu dha një listë me më shumë se 2200 libra dhe i thanë t'i shkatërronte të gjithë. Por në vend të kësaj, ajo i fshehu ato. Këto libra u zëvendësuan me një kurrikul të re të historisë, letërsisë dhe gjuhës ruse, ndërsa për gjashtë muaj biblioteka sekrete e Liliya mbeti e paprekur.

Liliya Sirous

Por tani, duke vështruar përsëri "thesarin" e saj të mijëra librave, të grumbulluar mjeshtërisht dhe të lidhur me shirita, ajo fillon të qajë.

“Fqinji im tha: “Pse po shkon në gjithë këtë telash? Rusia e ka kapur këtë tokë përgjithmonë”.

Por Liliya thotë se nuk i ka humbur kurrë shpresat.

"Në fillim të semestrit shkollor, na u tha se do të duhej t'u mësojmë nxënësve tanë se Ukraina ishte një territor i Rusisë, përkatësisht Malorusia 'Rusia e Vogël'," thotë Inna Mandryka, zëvendësdrejtore në shkollën Balakliya Five.

Inna ishte një nga mësueset që nuk pranoi të bashkëpunonte. Pasi u hoq nga posti i saj, ajo vazhdoi të punonte çdo natë nga bodrumi i saj nën dritën e qirinjve.

Ndërsa granatimet vazhduan lart, ajo krijoi një planprogram me mësime në internet. Kur kishte akses në internet, ajo ua shpërndante punën e saj mësuesve në të gjithë Ukrainën dhe Europën.

Së bashku, rrjeti i aleatëve të Inna-s ka arritur të mbështesë afërsisht 100 studentë në gjashtë muajt e fundit nga e gjithë Ukraina e pushtuar.

Në një shkollë tjetër, pak më shumë se 100 km (62 milje) në veri të Balakliya, në fshatin Ivanivka, mësuesja kryesore Lidiya Tina, një edukatore profesionale me më shumë se 40 vjet përvojë, thotë se ajo u ndalua për 19 ditë pasi refuzoi të ngrinte një shkollë ruse.

"Ndërsa po përpiqesha të ikja nga Kharkiv, më ndaluan. Një makinë u afrua me tre burra të maskuar e me armë. Më vunë një armë në fyt dhe ma grisën diplomën time të mësimdhënies para fytyrës," thotë Lidiya.

Ajo rrëfen se i vunë një çantë mbi kokë dhe më pas e vendosën në izolim për pesë ditë. “Më dhimbte shpirti”, thotë Lidiya. "Mendova: "Askush nuk e di se ku jam", vijon ajo.

Ajo tregon se u rrah dhe e detyruan të gjunjëzohej, dhe e bënë të besonte se do të ekzekutohej.