web counter
LEXO PA REKLAMA!

SHKARKO APP

App Store
Google Play

OBSH ngre alarmin: Po kryhen operacione pa anestezi në Gaza, shkak mungesa e medikamenteve mjekësore

2023-11-08 10:23:00, Kosova & Bota CNA
OBSH ngre alarmin: Po kryhen operacione pa anestezi në Gaza, shkak mungesa
Bombardimet në Gaza

Teksa ka kaluar mbi 1 muaj nga nisja e bombardimeve në Gaza, situata duket se vijon të përkeqësohet.

Pas sulmit të spitaleve dhe qendrave të kujdesit shëndetësor, stafet mjekësore po punojnë në kushte tejet të vështira ndërsa sipas raportimevë nga Organizata Botërore e Shëndetit edhe ndërhyrjet kirurgjikale po kryhen pa anestezi.

OBSH njofton se asgjë nuk e justifikon horrorin që po përjetojnë civilët në Rripin e Gazës, raportoj CNN.

Edhe më herët autoritetet shëndetësore të Gazës si dhe ministri i Shëndetësisë, Dr Mai al-Kaila kanë ngritur shqetësimin se nga nisja e bombardimeve janë vrarë më shumë se 10 mijë njerëz.

E njëjta situatë po ndodh edhe me sigurimin e bazës ushqimore ku njerëzit mbajnë radhë të gjata për të siguruar ushqimet bazë si buka dhe uji, ndërsa këto të fundit janë në sasi të limituara pasi të gjitha furrat janë mbyllur si pasojë e bomabrdimeve.

Po ashtu mungesa e energjisë elektrike, karburantit, ujit apo miellit po e vështirëson edhe më shumë situatën në Gaza.

Autoritetet izraelite kanë bllokuar çdo pikë të mundshme kalimi për ndihma, nën justifikimin se Hamasi do të vjedhë çdo ndihmë ushimore apo karburant, me qëllim përdorimin e tyre për sulmet ushtarake./CNA

 

 

 





Lajmet e fundit nga