Kurti takim me aktivistët e Vetëvendosjes/ “Nuk ndalin dot, as në jug as në veri”

2023-11-05 17:17:00, Kosova & Bota CNA

Kurti takim me aktivistët e Vetëvendosjes/ “Nuk ndalin dot, as

Kryeministri i Kosovës, Albin Kurti

Kryeministri i Kosovës, Albin Kurti gjatë fjalës së tij ka deklaruar se Lëvizja Vetëvendosje dhe qeverisja e tyre janë të pandalshme dhe pavarësisht se askush nuk do të mund t’i ndalë apo pengojë.

Numri një i qeverisë theksoi se për të mundur korrupsionin duhet të mos vuajnë nga lakmia apo zilia, duhet të jenë modest dhe t’i hapin rrugën profesionistëve.

Më tej ai bëri me dije se ka dyfishuar investimet e huaja po ashtu edhe eksportet.

“226 ndërmarrje vendore i kemi ndihmuar për promovimin ndërkombëtar të prodhimeve dhe shërbimeve që ato i ofrojnë duke i dërguar në 33 panaire ndërkombëtare”, ka deklaruar Kurti.

“Për të rinjtë dhe të rejat kemi mbështetur me 8 milionë euro parkun e Inovacionit dhe trajnimit në Prizren, një hapësirë ndër më modernet në vendin tonë”, vijoi më tej kryeministri.

“Janë dyfishuar si investimet e huaja, ashtu edhe eksportet. 226 ndërmarrje vendore i kemi ndihmuar për promovimin ndërkombëtar të prodhimeve dhe shërbimeve që ato i ofrojnë duke i dërguar në 33 panaire ndërkombëtare. Për të rinjtë dhe të rejat kemi mbështetur me 8 milionë euro parkun e Inovacionit dhe trajnimit në Prizren, një hapësirë ndër më modernet në vendin tonë. Ndërkaq, me 2.5 milionë euro kemi ndërtuar infrastrukturë në mbështetje të bizneseve në praqet industriale të Vushtrrisë, Suharekës, Vitisë dhe Lipjanit“, tha ai, duke shtuar se kanë filluar negociatat për marrëveshje me tregtinë e lirë me Zvicrën, Litenshtajnin, Norvegjinë dhe Islandën, që do të favorizojë eksportin e prodhimit kosovar por edhe rritjen e cilësisë së prodhimit dhe rritjen e rrogave në sektorin privat.

Ai shtoi se fokusi i qeverisë janë investimet në infrastrukturë, arsim, shëndetësi, bujqësi dhe siguri./ CNA