web counter
LEXO PA REKLAMA!

SHKARKO APP

App Store
Google Play

Rasti i dhunës ndaj 3-vjeçares/ Lapaj: Ajo video më bëri të ndihem me turp

2023-11-09 15:12:00, Aktualitet CNA

Rasti i dhunës ndaj 3-vjeçares/ Lapaj: Ajo video më bëri

Themeluesi i lëvizjes “Shqipëria Bëhet”, Adriatik Lapaj ka reaguar në lidhje me dhunën e ushtruar ndaj 3-vjeçares nga edukatorja.

Në reagimin e tij në rrjetet sociale, Lapaj shkruan se duke parë këtë video konstaton një mungesë dëshire të njerëzve për profesionin në çdo fushë.

Lapaj thotë se ajo video e ka bërë të ndjejë turp dhe se shoqëria jonë duhet t’i thërrasë mendjes

“Ndoqa videon e fëmijës të cilit iu thye këmba. Konstatoj një mungesë dëshire të njerëzve për profesionin. E konstatoj në çdo fushë:

Punonjës të administratës që në sportel të presin turivarur; policë që nuk të marrin kallëzimet; edukatore që mërziten pse qajnë fëmijët, kur dihet se puna me fëmijët e ka atë pjesë funksionale të vetën; ustallarë që t'i bëjnë punët shkel e shko. Pra, një mungesë dëshire dhe pasioni për punën që të habit!

Ajo video më bëri të ndihem me turp. Jemi një shoqëri që duhet t'i thërrasë mendjes. Të paktën fëmijët mund mos t'i rrahim. Boll rrahim njëri-tjetrin. Mjafton!”, shkruan Lapaj./ CNA





Lajmet e fundit nga