web counter
LEXO PA REKLAMA!

SHKARKO APP

App Store
Google Play

E fundit!

x

Punonjësit vodhën pakot me ndihma/ Reagon Bashkia e Pogradecit: Veprim i shëmtuar

2022-08-28 16:47:00, Aktualitet CNA
Punonjësit vodhën pakot me ndihma/ Reagon Bashkia e Pogradecit: Veprim
Bashkia e Pogradecit

Bashkia e Pogradecit ka reaguar pasi 4 punonjës të saj vodhën ndihmat e dhuruara për qytetarët dhe ranë në prangat e policisë.

Me anë një të deklarate, Bashkia Pogradec distancohet nga ky akt, të cilin e quan të shëmtuar, dhe inkurajon zbardhjen e plotë të rrethanave të ngjarjes.

Bashkia njofton se nuk është cënuar asnjë pajisje e dhuruar për spitalin, shkollat dhe kopshtet, të cilat janë të gjitha të inventarizuara nga Bashkia dhe përfaqësuesit gjermanë.

“Nisur nga një veprim i shëmtuar nga disa punonjës të Bashkisë Pogradec mbrëmjen e kaluar në lidhje me donacionet e sjella nga shoqata e motorristëve dhe kamionistëve gjermanë ju bëjmë me dije se:

Bashkia Pogradec distancohet kategorikisht nga këto veprime të shëmtuara. Personat e përfshirë në këto veprime tashmë janë ndaluar nga policia dhe do të jenë organet e drejtësisë të cilat në mënyrë të pavarur do të japin vendimin e tyre mbi veprimin e kryer dhe ne i inkurajomë fort që të zbardhen plotësisht rrethanat e ngjarjes.

Gjithashtu duam t'i bëjmë me dije bashkëqytetarëve tanë dhe opinionit publik se se asnjë pajisje e dhuruar për spitalin, shkollat dhe kopshtet të cilat janë të gjitha të inventarizuara nga të dyja palët, Bashkia edhe përfaqësuesit gjermanë, nuk është cënuar. Ditën e sotme është bërë i gjithë komunikimi dhe verifikimi i nevojshëm me donatorët të cilët jan larguar drejt Gjermanisë pak momente më parë edhe ata vetë pas verifikimeve, kanë konstatuar se të gjitha pajisjet e sjella dhe të inventarizuara janë të pacënuara. Edhe pse nuk kemi pajisje të përvetësuara, por vetëm disa maska dhe shtroje, veprimi i kryer është i shëmtuar dhe i dënueshëm.

Duam të shpjegojmë gjithashtu se nuk kemi të bëjmë me ndihma për familjet me probleme ekonomike siç raportohet në media apo rrjete sociale, por me pajisje shkollore(banka) pajisje spitalore si eko, krevatë etj, të cilat po shpërndahen në insitucione sipas dakordësisë që është arritur me donatorët”, thuhet në deklaratë./ B.A. – CNA.al





Lajmet e fundit nga