web counter
LEXO PA REKLAMA!

SHKARKO APP

App Store
Google Play

E fundit!

x

AKU: Vezët që importohen nga Serbia dhe Turqia, nuk rrezikojnë shëndetin

2022-08-25 16:42:00, Aktualitet CNA
AKU: Vezët që importohen nga Serbia dhe Turqia, nuk rrezikojnë
Autoriteti Kombëtar i Ushqimit

Autoriteti Kombëtar i Ushqimit ka reaguar pas lajmit të CNA.al për importin e vezëve për konsum tavoline nga Serbia dhe Turqia, që rrezikonin shëndetin e konsumatorëve, veçanërisht nga salmonela.

AKU pretendon se shëndeti i konsumatorit shqiptar nuk është në asnjë moment i rrezikuar nga importet e produktit vezë.

AKU thotë se Shqipëria ka importuar nga shteti serb vetëm vezë të klasit A, ndërsa nga shteti turk vetëm vezë të klasit B.

Sipas këtij institucioni, të gjithë ngarkesat e importit të vezëve të klasit B kanë patur destinacion tregun e industrisë së përpunimit në përputhje me legjislacionin në fuqi dhe kanë ruajtur parimet e rregulloreve të Komisionit Europian.

?Shqipëria ka importuar nga shteti serb vetëm vezë të klasit A, ndërsa nga shteti turk vetëm vezë të klasit B. Të gjithë ngarkesat e importit të vezëve të klasit B kanë patur destinacion tregun e industrisë së përpunimit në përputhje me legjislacionin në fuqi.

AKU: Vezët që importohen nga Serbia dhe Turqia, nuk rrezikojnë

Autoriteti Kombëtar i Ushqimit gjatë importit të produktit vezë ruan parimet e rregulloreve 404 dhe 405 të Komisionit Europian, duke garantuar në çdo moment shëndetin dhe jetën e konsumatorit shqiptar. Legjislacioni në fushën e sigurisë ushqimore vijon të përafrohet në përputhje me kapitullin XII ?Siguria ushqimore, veterinaria dhe politikat fitosanitare? dhe është një proces në vazhdim.

Të gjitha produktet vezë që kanë hyrë në territorin e vendit tonë janë importuar nga vende të pastra me influencën aviare dhe pseudopestin, të shoqëruara me certifikatë veterinare, e cila vërteton gjendjen shëndetësore të shpendëve nga kanë ardhur këto vezë, si dhe sigurinë e këtij produkti.

Këto produkte veç nënshtrimit të kontrollit zyrtar në pikat e inspektimit kufitar, i nënshtrohen kontrolleve zyrtare edhe në industrinë e përpunimit, ku për treguesin "salmonelë" mostrohen dhe analizohen në mënyrë të vazhdueshme.

Vezë e klasit B për strukturat e Bashkimit Europian është ajo e eksportuar nga vende të treta për listimin e produkteve për BE-në si Shqipëria, Turqia, Kanadaja, SHBA, Singapori, etj.

Trupat inspektuese të Autoritetit Kombëtar të Ushqimit janë në gatishmëri për kryerjen e kontrolleve zyrtare, me objekt inspektimi produktin vezë kundrejt kërkesave ligjore, dhe në rastet e konstatimit të shkeljeve të kërkesave ligjore janë marrë masat administrative përkatëse për gjetjet e evidentuara si: masë administrative ?gjobë?, bllokime dhe ndërprerje aktiviteti?, thuhet ndër të tjera në njoftim./ B.A. - CNA.al





Lajmet e fundit nga