web counter
LEXO PA REKLAMA!

SHKARKO APP

App Store
Google Play

SPAK kërkon heqjen e imunitetit/ Këshilli i Mandateve vendos sot për Ballukun

23 Shkurt 2026, 07:56, Aktualitet CNA

Këshilli i Mandateve do të mblidhet këtë të hënë në orën 10:00 për të shqyrtuar kërkesën e SPAK-ut për imunitetin e zëvendëskryeministres Belinda Balluku.

SPAK-u kërkoi heqjen e imunitetit të Ballukut në 16 dhjetor të 2026. Sipas Prokurorisë së Posaçme, Balluku është marrë në cilësinë e së pandehurës në kuadër të procedimit penal nr.136 të vitit 2025, pasi akuzohet për kryerjen e veprës penale:

“Shkelja e barazisë së pjesëmarrësve në tenderë apo ankande publike”, e kryer në bashkëpunim, e parashikuar nga nenet 258/2 dhe 25 të Kodit Penal, në lidhje me procedurën e prokurimit me objekt “Ndërtimi i tunelit të Llogarasë”.

Gjithashtu, sipas SPAK-ut, Belinda Balluku ka marrë cilësinë e personit nën hetim për dyshimin e kryerjes së të njëjtës vepër penale për shtatë procedura të tjera prokurimi me objekt:

“Plotësimi, rakordimi dhe vazhdimi i punimeve Sheshi Shqiponja-Lumi i Tiranës, Loti 1 dhe QMT”;

“Ndërtimi i segmentit rrugor Sheshi Shqiponja-Bulevardi i Ri, Loti 2”;

“Ndërtim i segmentit rrugor Sheshi Shqiponja-Bulevardi i Ri- Shkozë, Urat mbi lumin Tirana”;

“Ndërtimi i Unazës së Jashtme Tiranë, Loti 4”;

“Ndërtim i Unazës së Jashtme Tiranë, Loti 5”;

“Ndërtim i Unazës së Jashtme Tiranë, Loti 6”;

“Ndërtim i Unazës së Jashtme Tiranë, Loti 7”./ CNA





Lajmet e fundit nga