web counter
LEXO PA REKLAMA!

SHKARKO APP

App Store
Google Play

E fundit!

x

Gjuha fyese e Maks Haxhisë ndaj stafit të CNA/ Reagon Unioni i Gazetarëve

2 Nëntor 2025, 13:53, Aktualitet CNA

Gjuha fyese e Maks Haxhisë ndaj stafit të CNA/ Reagon Unioni i

Unioni i Gazetarëve të Shqipërisë ka reaguar në lidhje me komunikimin joetik të bërë nga Maks Haxhia ndaj gazetares së CNA-së.

Në reagimin e bërë, Unioni shpreh solidaritet dhe kërkon reagim nga Maksi Haxhia si dhe një kërkim ndjese nga ana e tij. Gjithashtu në reagimin e UGSH kërkohet që Haxhia të vërë në dispozicion të informacionit të kërkuar nga redaksia e CNA.

Kujtojmë që ne si CNA e kontaktuam Maks Haxhinë disa ditë më parë për një denoncim të ardhur në redaksinë tonë ku pretendohej për ryshfet në procesin e licencimit të avokatëve nga Dhoma e Avokatisë.

 

Sipas denoncimit bëhej fjalë për provimet e licencimit të avokatëve, ku paguhen shuma monetare nga 1-3 mijë euro për të marrë licenca nën dorë. Denoncimi thotë se 500 mijë të vjetra paguhen në fillim të hyrjes në shkollë dhe 500 në përfundim, ndërsa për të hyrë në provim për licencë paguhet 100 mijë të vjetra.

 

Reagimi

 

Reagim i UGSH ndaj cënimit të etikës dhe mosrespektim të detyrimit informues për gazetarët, nga kryetari i Dhomës së Avokatisë së Shqipërisë.

Tiranë më 02.11. 2025

Unioni i Gazetarëve Shqiptarë reagon publikisht ndaj rasteve të shpeshtuara të refuzimit dhe komunikimit jo etik, ndaj reporterëve në detyrë, prej personave të zgjedhur në detyra publike, drejtues të institucioneve,përfaqësues të organizatave dhe subjekteve që përfaqësojnë entitete profesionale.

 Në periudhën e dy muajve të fundit, pranë UGSH, kanë mbërritur denoncime dhe ankesa nga reporterë dhe operatorë të disa redaksive, kryesisht të emisioneve investigative si “Stop”, “ Piranjat”, “ Xhadat” etj, gazetarët dhe operatorë të të cilave janë përballur shpesh jo vetëm me refuzime përgjigjesh, me përdorim të personave pengues në zyrat e institucioneve dhe të zgjedhurve vendorë, por dhe me gjuhë jo etike, refuzim përgjigjesh specifike për pyetjet konkrete të reporterëve, si dhe me gjuhë fyese, kërcënime e presione të ndryshme.

  Më së fundi, redaksia e CNA ka paraqitur pranë UGSH, një denoncim ankesë ndaj kryetarit të Dhomës së Avokatisë të Shqipërisë, zotit Maks Haxhia, për përdorjen e një gjuhe e sjellje jo etike, si dhe refuzim të dhenies së përgjigjeve për praktikat e ndjekura në provimet e licensimit të avokatëve nga ky subjekt.

 UGSH reagon ndaj këtij rasti dhe shpreh solidaritetin me kolegët e CNA, të cilët konform së drejtës ligjore dhe shërbimit publik shprehin këmbëngulje për informim dhe drejtinformim publik.

 Kërkojmë prej zotit Haxhia një reagim publik dhe kërkim ndjese për shkeljen etike në komunikimin me gazetaren e CNA, si dhe vënien në dispozicion të informacionit të kërkuar për çështjen me interes publik.

UGSH apelon pranë të gjitha institucioneve, që dëshmojnë cënim të praktikave për informim dhe transparencë publike, duke u ripërsëritur se praktika të tilla cënojnë ligjin dhe, rrjedhimisht, mbartin pasoja ligjore.

 UGSH inkurajon editorin shqiptar të të gjithë spektrit multimedial të vendit, si edhe reporterët profesionistë, të shumëfishijnë këmbënguljen dhe njëkohësisht të rrisin përgjegjshmërinë profesionale në funksion të drejtinformimit e raportimit të thelluar.

Zyra Informuese

Unioni i Gazetarëve Shqiptarë/CNA





Lajmet e fundit nga