web counter
LEXO PA REKLAMA!

SHKARKO APP

App Store
Google Play

E fundit!

x

"Eci mes baltës së politikës pa u bërë pis prej saj"/ Fjalimi emocionues i Xhoana Nanos

2 Nëntor 2025, 12:28, Aktualitet CNA

"Eci mes baltës së politikës pa u bërë pis prej

Bashkëshortja e Fatos Nanos, Xhoana Nano ka mbajtur fjalën e saj në homazhet e zhvilluara në Pallatin e Kongreseve.

Në një fjalim i mbushur me emocione dhe lot, Xhoana Nano tha se dita e sotme është dita më e trishtuar e jetës.

Bashkëshortja e ish-kryeminstrit u shpreh se Nano eci mes baltës së politikës pa u bërë pis prej saj.

Xhoana Nano tha se pavarësisht çmimit që pagoi, Nano nuk hoqi dorë nga përpjekja për ta parë Shqipërinë më të begatë.

 

Fjala e Xhoana Nanos

 

Dita e sotme është dita më e errët dhe e trishtuar e jetës. Po ndahem me njeriun që kalova një vçerek shkeulli jetë dhe që më lidhën shumë e shumë ëndrra dhe zhgënjime të përbashkëta. Këtu e një çerek shekulli më parë, rashë në dashuri me Fatosin. Atëherë nuk e kuptoja pse, por tani e di. Kisha rënë në dashuri jo thjesht me Fatosin si njeri, por dhe me vizionin e një Shqipërie ndryshe.

Me kalimin e kohës, pata fatin të zbulpoja te Fatosi vlera dhe cilësi që nuk janë aq të shpeshta në jetën tonë, aq më pak politike dhe publike. Ishte shumë më tepër se sa ato që janë thënë dhe do të thuhen nëpër media. Nuk dinte dhe nuk donte të shtirej. Bënte atë që besonte dhe besonte te ajo që bënte. Besonte me shpirt te vlerat europiane. Eci mes baltës së politikës pa u bërë pis prej saj.

E drejtoi qeverinë kur vendi ishte në prag të përplasjes më të madhe civile. Ishte i drejtpërdrejtë, ndonjëherë kokfortë dhe i vështirë, por gjithnjë i ndershëm. E donte këtë vend me gjithë shpirt. Pavarësisht nga çmimi personal që iu desh të pagunate nuk hoqi dorë nga përpjekja për ta parë Shqipërinë më të drejtë dhe më të begatë.

Mes dhimbjes së thellë kam një ndjenjë edhe më të lartë mirënjohje që pata fatin ta njihja, të ecja krah tij, të jetonim. Faleminderit që ishe ky që ishe. Faleminderit që e dhe jetën tënde pa kursim për mua, për ne, për vendin tonë. Do të mbetesh përherë në kujtesën tonë jo vetëm si burrë shteti, por dhe si njeri, si njeriu ynë. U prehsh në paqe pranë Zotit.





Lajmet e fundit nga