web counter
LEXO PA REKLAMA!

SHKARKO APP

App Store
Google Play

Deputeti i Arlind Qorit del zbuluar: Ky është slogani ynë në protestë

11 Qershor 2026, 11:58, Aktualitet CNA

Deputeti i Lëvizjes Bashkë, partisë së Arlind Qorit, Redi Muçi, ka dalë zbuluar duke treguar se kush fshihet pas sloganit "Rama n'burg, Berisha n'burg" në protestë.

Deklarata e tij në Kuvend konfirmoi se thirrja “Rama n’burg, Berisha n’burg”, nuk është thirrje popullore, por është një thirrje që bëhet nga njerëzit e Lëvizjes Bashkë.

Arlind Qorin e nxori sot zbuluar deputeti i tij në Kuvend, Redi Muçi, i cili e përdori këtë thirrje për të provokuar deputetët e Partisë Demokratike.

“Kam dhe një koment për kolegët e partisë së kryegjyshatës që votuan që unë të mos mbaja interpelancën. Sot që buçet i gjithë bulevardi 'Rama në burg, Berisha në burg', votuat kundër interpelancës sime”, tha Muçi.

CNA e ka paralajmëruar këtë fakt përmes raportimeve se në protestë përveç qytetarëve të ndershëm ka dirigjenca dhe grupime të tilla si ato të Arlind Qorit, Lapajt etj., që dalin në protesta me qëllimin e vetëm për të kapitalizuar vota.

Neokomunisti Arlind Qori në daljet e tij publike ka deklaruar që është ai organizatori i protestës dhe se protestat do të vijojnë.

Ai është shprehur se ka qenë ai që ka filluar organizimin që në Zvërnec dhe është aty kundër investimeve të huaja dhe është kundër biznesit. Më pak fjalë ai kërkon të kapitalizojë vota duke thënë "unë jam me qytetarët". /CNA





Lajmet e fundit nga