web counter
LEXO PA REKLAMA!

SHKARKO APP

App Store
Google Play

E fundit!

x

AMA memorandum bashkëpunimi me Inspektoratin e Shërbimeve Shoqërore

20 Maj 2025, 18:09, Aktualitet CNA

AMA memorandum bashkëpunimi me Inspektoratin e Shërbimeve

Autoriteti i Medias Audiovizive ka nënshkruar një memorandum bashkëpunimi me Inspektoratin Shtetëror të Punës dhe Shërbimeve Shoqërore.

Lajmi është bërë i ditur nga kryetarja e AMA-s, Armela Krasniqi, e cila me anë të një statusi në rrjetet sociale shkruan se ky memorandum ka si qëllim ndërgjegjësimin në sektorin e mediave audiovizive.

 

Statusi i plotë

Nënshkruam sot një Memorandum Bashkëpunimi me Inspektoratin Shtetëror të Punës dhe Shërbimeve Shoqërore.

Arritëm dakordësinë me kreun e Inspektoriatit, Eljo Muçaj, për të nisur e forcuar bashkëpunimin mes institucioneve tona, për marrjen e masave, me qëllim rritjen e informimit dhe ndërgjegjësimit në sektorin e mediave audiovizive në funksion të zbatimit të dispozitave ligjore që lidhen me kushtet e punës, mbrojtjen e punëmarrësve në ushtrimin e profesionit të tyre, pagat, sigurimet dhe mirëqenien në punë.

Kemi përfshirë në këtë bashkëpunim:

Organizimin e aktiviteteve informuese dhe ndërgjegjësuese të përbashkëta, edhe me pjesëmarrjen e aktorëve të tjerë të interesuar, me fokus rolin dhe detyrimet e secilit institucion në sektorin e mediave audiovizive, si dhe të drejtat dhe detyrimet që burojnë nga legjislacioni i punës;

Hartimin, miratimin dhe shpërndarjen e materialeve informuese;

Shkëmbimin në mënyrë efikase të informacioneve të nevojshme të sektorit për të identifikuar llojet e mediave, strukturat, rolet dhe përgjegjësitë përkatëse.

U angazhuam për fuqizimin e bashkëpunimit në drejtim të përmirësimit të kuadrit ligjor dhe rregullator institucional, me qëllim rritjen e efektivitetit në zbatimin e dispozitave të legjislacionit të punës në sektorin e mediave audiovizive. Pa u kufizuar, bashkëpunimi në këtë drejtim përfshin edhe organizimin e takimeve periodike me sindikatat, përfaqësuesit e punëmarrësve dhe punëdhënësve, me qëllim vlerësimin dhe propozimin e nevojës për ndryshime në kuadrin ligjor dhe rregullator, që synojnë forcimin e zbatueshmërisë së të drejtave të punës dhe përmirësimin e kushteve të punës në këtë sektor./ CNA





Lajmet e fundit nga