LEXO PA REKLAMA!

SHKARKO APP

‘U ul në prehrin e Ramës’/ Boçi- Alibeajt: Kërkon të vulosë përçarjen për hir të agjendave të njohura

19 Maj 2022, 16:07, Aktualitet CNA
‘U ul në prehrin e Ramës’/ Boçi- Alibeajt:

Deputeti Luçiano Boçi ka reaguar pas deklaratave të Enkelejd Alibeajt se do të thërrasë dhe grupin e “Rithemelimit” për çështjen e Presidentit të Republikës.

Sipas tij, Grupi Parlamentar i PD-së është një, jo siç do ta shohë z. Alibeaj, të bërë copash dhe se thirrjen e tij e vendos Kryesia e grupit dhe jo një deputet.

“Alibeajt, tani që Rama e ka zyrtarizuar si sekser politik, i ngjan se mund t?i vendosë kushte dhe vetë Partisë Demokratike.

Deklaron teatralisht se do të thërrasë dhe grupin e rithemelimit për negociatat me kusht!?

Një i shkarkuar nga demokratët nuk mund të vendosë kushte.

Këtë thirrje nuk e ka seriozisht dhe sinqerisht për zgjedhjen e Presidentit.

Pasi hodhi në erë procesin kushtetues për Presidentin, duke u ulur në prehrin e Ramës si i preferuari i tij, tani po kërkon të kënaqë Ramën dhe të sanksionojë përçarjen e Grupit Parlamentar në dy grupime, njërin prej të cilëve e zotëron ai me hipotekë.

Grupi Parlamentar i PD-së është një, jo siç do ta shohë z. Alibeaj., të bërë copash.

Thirrjen e tij e vendos Kryesia e grupit, jo një deputet.

Unë dhe Z. Salianji në cilësinë e nën/kryetarit e kemi kërkuar me këmbëngulje mbledhjen e Kryesisë dhe të Grupit, ku të sanksionohej rikthimi i të shkarkuarve, por z. Alibeaj e ka refuzuar, megjithëse i ka munguar dhe tagri për ta bërë.

Sot i duhet diversioni dhe përsërit refrenin e mospranimit të Z. Berisha.

Po kërkon kështu njëherazi të legalizojë veten, bashkëpunimin e pistë me Ramën dhe të vulosë përçarjen për hir të agjendave të njohura.

Partia Demokratike është e vendosur për të vazhduar negociatat në nivel politik jashtë skemave të paracaktuara në zyrat e Ramës, për t?u dhënë shqiptarëve një President të denjë.”/CNA.al

Lajmet e fundit nga