web counter
LEXO PA REKLAMA!

SHKARKO APP

App Store
Google Play

Konfliktet brenda PD/ Kadilli: Palët po luajnë për karriget e tyre

15 Nëntor 2021, 20:35, Politikë CNA

Ish-anëtari i Kryesisë së PD, Fatbardh Kadilli ka komentuar situatën brenda partisë, për të cilën ka shprehur se palët po luajnë për karriget e tyre.

I ftuar në një intervistë në ?Now? me Erla Mëhillin në EuroNews, Kadilli shtoi se si Berisha ashtu edhe Basha kanë mbyllur nga një cikël dhe se demokratët duan dikë që të mund të rrëzojë Ramën.

?Pas 8 vitesh kthehemi në një pikë sepse Berisha vendosi ta shkuli Lulin që na nguli. Kryetaro-kracia është problem. Nuk ikën kryetari nga partia. Pse në Kosovë humbi LDK, iku Isa Mustafa? Humbësi ikën dhe ikën vërtet. Këtu vetëm Fatos Nano iku vërtet.

Pse në Amerikë dy mandate dhe nuk je më president? Është 4 vjet edhe ikën. Duhet që njëri të iki e tjetri të mos kthehet. Situata po çon në dy parti. Çfarë të mire ka kjo? Dy palët po luajnë për karriget e tyre. Unë nuk kam gjë as me njërin as me tjetrin. Të dy kanë mbaruar nga një cikël. 

Demokratët duan dikë që të rrëzojë Ramën dhe të ketë një kryeministër që vjen nga e djathta. Sali Berisha të shërbejë për të larguar Bashën, por jo për të kthyer veten sepse kështu kemi ikur nga shiu e kemi rënë në breshër?, deklaroi Kadilli./CNA.al





Lajmet e fundit nga