web counter
LEXO PA REKLAMA!

SHKARKO APP

App Store
Google Play

Në protestë kundër rritjes së çmimeve/ Shiu nuk 'ndal' qytetarët

11 Tetor 2021, 15:51, Aktualitet CNA

Qytetarë dhe aktivistë janë mbledhur pasditen e sotme para kryeministrisë për të protestuar kundër rritjes së çmimeve.

Një nga protestuesit ka deklaruar se shqiptarët janë bërë bashkë për të drejtat e tyre dhe do të protestojnë derisa të normalizohet situata e çmimeve.

?Një ndër pikat që mendojmë që u reflektua është çmimi i energjisë elektrike. Ne protestojmë për ushqimet e shportës që janë rritur të gjitha.

Për nivelin e çmimit të karburanteve. Këto janë pikat kryesore që ndikojnë në jetën e çdo shqiptari. Ja kur jemi sot në orën 17:00 dhe këto do të vijojnë deri në atë pikë, kur do të plotësohen pikat tona?, tha protestuesi.

Ndërkohë një protestuese tjetër tha se ‘kryeministri duhet t?i bëjë edhe njëhere llogaritë, pasi rroga nuk na del deri në fund të muaji’.

?Jam llogaritare shumë e mirë edhe pse nuk jam eksperte ekonomie. Kryeministri nuk të lejon të dalësh të protestosh, por ai ka një ekspert dhe propozoj të rishqyrtojë edhe një herë të gjitha llogaritë që ka bërë, sepse ne mezi ia dalim me këto rroga deri në fund të muajit?, ka deklaruar ajo.

Kjo është protesta e dytë e zhvilluar nga qytetarët dhe shoqëria civile që kundërshtojnë rritjen e çmimeve të bukës, karburantit dhe produkteve të shportës.

Kujtojmë se në lidhje me rritjen e çmimit të energjisë elektrike, kryeministri Edi Rama tha se nuk do të ketë rritje të energjisë për familjet dhe biznesin e vogël./ CNA.al





Lajmet e fundit nga