web counter
LEXO PA REKLAMA!

SHKARKO APP

App Store
Google Play

Vllaznia për femra arrin fitoren historike në Champions League

20 Gusht 2021, 21:39, Sport CNA

Vllaznia e futbollit të femrave ka shkruar një tjetër faqe të suksesshme të historisë së klubit shkodran, teksa ka arritur të kthehet përsëri mes 32 ekipeve më të mira në Europë. Vajzat kuqeblu kërkuan dhe arritën kualifikimin falë një fitoreje me penallti përballë Ferencvaroshit vendas në Hungari.

Një sukses emocionues për mënyrën se si erdhi dhe kjo shihej qartësisht në momentet pas penalltisë së fundit të pritur nga portierja Ana Xhejms-Buhigas. Ajo nisi vrapimin e festës drejt shoqeve të skuadrës të cilat shpërthyen në një përqafim të madh mes emocionesh të shumta. Buzëqeshje pa fund, por edhe lot gëzimi për këtë rezultat, me një pjesë të vajzave që vinin duart në kokë sepse nuk u besohej se ia kishin dalë përsëri që të ngjitnin kaq lart emrin e Vllaznisë.

Një sukses historik, i cili gjithashtu edhe do të mbushë xhepat e tyre, pasi presidenti i klubit shkodran,. Lazër Matija, u kishte premtuar atyre një premio të majme nëse siguronin kalimin e turit. Me fitoren ndaj Ferencvarosh, vajzat shkodrane do të ndajnë mes tyre një premio prej 30 mijë eurosh që u ishte premtuar nga presidenti.





Lajmet e fundit nga